Salmo 70:2 - Manobo Western Bukidnon OT

² Berakat he mepeel-elezi wey meliveg is menge etew he egkesuat he edhimatey kedì. Berakat he ebpemelaǥuy he egkepeel-elezan is langun he egkesuat he mezeeti a.

Salmo 70:2 교차 참조

Salmo 109:29

Berakat he mepurung mepeel-elezi heini is menge etew he mibutangbutang kedì; meiring te visti he ebpeketambun te lawa zan is keelezan dan.

Salmo 141:1

He Nengazen, ebpengumew-umew a kenikew, ne segugunà a tevangi. Pemineǥa nu heini is kebpengumew-umew ku kenikew.

Salmo 22:12

Edliǥuyan a te menge kuntada ku, iring sikandan te memezesen he tudu he vaka ziyà te tanà he Bashan.

Salmo 22:20

Libriya a su edhimetayan a te menge kuntada ku; kenè nu ituǥut he mepatey a kayì te henduen be te menge asu.

Salmo 35:26

Is langun he iyan igkelipey zan is menge kebpekaantus ku, berakat he egkepeel-elezan wey egkeliveg sikandan. Berakat he sikan is langun he neminusan kediey, kenà medlampus is tuyù dan wey mepeel-elezi sikandan.

Salmo 35:4

Deyzey ke egkepeel-elezan is menge etew he edtinguhà he edhimatey kedì. Berakat he mekepelaǥuy he egkengeteranta is menge etew he mibpelanu he edezaat kedì.

Salmo 40:14

Berakat he is langun he edtinguhà he edezaat kedì ne egkepeel-elezan wey egkeliveg.

Salmo 6:10

Egkepeel-elezan wey egkengeheratan is langun he menge kuntada ku. Egkengelagewlagew sikandan he ebpekeziyù tenged te kegkeeled dan.

Salmo 71:12

He Megbevayè ku, kenà a kenikew pekeziyui; kenè ka langanlangan is edtavang kedì.

Salmo 71:13

Berakat he mepeel-elezi wey mengezeeti is menge etew he mibutangbutang kedì. Berakat he mepeel-elezi wey susudia is menge etew he egkesuat he edezaat kedì.

Isaias 28:13

Umbe, ebpenuruen sikandan te Nengazen ne ebpurungan din sikandan ebpenurùa. Ne nasì en sikandan ebpemekeurambak, egkengepelian, egkengelitag, wey egkengezekepan.

Isaias 41:11

Is langun he egkepeukan ke zan ne kenà duwazuwa he egkepeel-elezan wey egkeliveǥan. Ebpematey is langun he zuen dan pauk kenikew.