Salmo 7:3 - Manobo Western Bukidnon OT

³ Nengazen he Megbevayè ku, emun nekevaal a te mezaat diyà te iring ku he etew,

Salmo 7:3 교차 참조

Job 11:14

ne kenè ke en ebaal te salà wey kenè nu edtuǥutan is pemilya nu te kebaal te salà,

Salmo 22:12

Edliǥuyan a te menge kuntada ku, iring sikandan te memezesen he tudu he vaka ziyà te tanà he Bashan.

Salmo 22:20

Libriya a su edhimetayan a te menge kuntada ku; kenè nu ituǥut he mepatey a kayì te henduen be te menge asu.

Salmo 59:3

Nengazen, ahaa nu man, mid-eyanan e zan, su edhimetayan e zan minsan pa te wazà a mekesalà diyà te kandan.

Salmo 66:18

Emun wazè ku itug-an is menge salè ku ne kenà a pezem ebpemineǥen te Nengazen.

Josue 22:22

“Is Nengazen iyan sikan is Mekeǥeǥehem he Megbevayà! Netuenan din ke maan is mibeelan dey heini, ne ereg daan heini he egketuenan niw. Emun iyan imbeeli zey kayi is kebpekidsukulà etawa kedsupak te Nengazen, ne kenè kew en tuǥut he meuyag-uyag key pa ǥuntaan he andew.

1 Samuel 20:8

Deyzey ke ebeelan nu heini he iyan ebpenistiǥus te kesebutan he migkaǥi nu kedì diyà te etuvangan te Nengazen. Piru emun nekesalà a iyan, ne minsan sikew zà is edhimatey kedì. Kenè en kinahanglan he ibpalad e pa kenikew te amey nu.”

1 Samuel 22:13

Migkeǥiyan ni Saul sikandin te, “Maan is duen planu niw ki David he mezaat he ebpekesuǥat kedì? Impekaan nu pa wey mibeǥayan nu te ispada, ne mid-insaan nu pa is Megbevayà para kandin. Guntaan egkuntedahan e zin duen din pa ganì planu te kedhimatey kedì.”

1 Samuel 22:8

Tenged be keniyan mibpelanu kew te mezaat kayi te kedì is langun? Wazà midtazem kedì he is anak ku ne zuen upakat dan ki David. Wazè niw hizu kedì. Su wazà minsan sevaha he midtazem kedì he is anak ku mibaghet din is suluǥuen ku he si David te kidhimatey kedì he iyan tinguhè din guntaan.”

1 Samuel 24:11

Amà, ahaa nu is kilid te kumbalè nu he egewezan ku. Mibpitas ku piru wazè ku sikew himetayi. Ebpesavut heini he wazè ku tuyù te kedezaat kenikew wey kebpekidsukulà kenikew. Wazè a mekesalà kenikew piru edtinguhaan nu is kedhimatey kedì.

1 Samuel 24:9

Migkaǥi si David diyà te ki Saul te, “Maan is ebpemineǥen nu is menge etew he edsumbung kenikew he duen ku pelanu te kedhimatey kenikew?