Salmo 7:2 - Manobo Western Bukidnon OT

² su emun kenà a kenikew edlibriyen, ne kela ke edhimetayan e zan; ebpitpitasen dan is lawa ku iring te ebeelan te erimaung te egkezawi zin, ne zutun wazè en ebpekelibri kediey.

Salmo 7:2 교차 참조

2 Samuel 14:6

ne zuen dezuwa he anak ku he maama. Sevaha zutun he andew midtebek sikandan is dezuwa ziyà te pemuleey, ne tenged te wazà edsambag kandan dutun, ne nepatey is sevaha.

Job 10:7

Netuenan nu he wazè ku salà, piru wazà ebpekelavan kedì emun iyan ka kuntada.

Salmo 10:9

Iring sikandan te erimaung he ed-eles he ed-ayan su edekepen dan is menge egkaayuayu, ne emun ebpekezakep dan en ne eguyuzen dan haazà.

Salmo 11:1

Diyà a te Nengazen edhangyù he kelesaǥi e zin. Ne maan is egkaǥi kew kayi te kedì te, “Pelaǥuy ka iring te tagbis pehendiyà te menge vuvungan,

Salmo 16:1

He Megbevayà, bentayi a, su ziyà a te kenikew med-aput.

Salmo 17:12

Iring sikandan te ed-ayan he erimaung diyà te elesè din, he andam he ebpitaspitas te egkezawi zin.

Salmo 22:13

Iring daan sikandan te menge erimaung he ebpemenhiniǥer is eginganga he andam en he edaas kedì.

Salmo 31:2

Pemineǥa a, ne segugunà a kenikew libriya. Kelesaǥi a he iring te nekeendilung a ziyà te vatu; pengelangi a he iring te nekeeles a ziyà te melig-en he elesà.

Salmo 35:15

Iyan, hein iyan ad midlised, mid-amur-amur zan is egkengelipey. Mid-amur-amur zan is edezaat kedì. Ne wazè ku metueni ke maan. Ne edsiguduwan e zan en ed-ituka.

Salmo 50:22

Pemineǥa niw heini, sikiyu is nengelipat te Megbevayà, su emun kenà, edezeetan ku sikiyu ne wazà ebpekelibri keniyu.

Salmo 59:2

Libriya a te kegkaid te lalung he menge etew he ebpemenhimatey.

Erubasa 19:12

Emun egkepauk is hadì ne iring haazà te edhiniǥer he erimaung, iyan, is tavang din igkepetug-iring daan te zehemug he ebpekepetuvù te pinemula.

Isaias 38:13

Wazà a mebpelavew is midtaǥad taman te meselem, ne egkeisip ku he ebpatey ad, henduen be te edrupeten te erimaung is menge tulan ku. Puun te meselem taman te mezukilem midtaǥad a he edtepusen nu en is untung ku.

Deuteronomio 33:20

Mehitenged te tribu ni Gad, migkaǥi si Moises te, “Eedeliǥen is Megbevayà he mibpekeluag te tanà te tribu ni Gad! Ed-ubpà sikandan kayi he tanà he andam he ed-upangis te vekelawan etawa ulu te menge kuntada zan.

Zatù 18:28

Wazà neketavang te menge tig-Laish su meziyù haazà te Sidon wey wazà sikandan mebpekidsevaha te ziyà te zuma he inged. Is inged he Laish ne ziyà te menge suǥud he uvey te Bet Rehob. Ne mid-uman haazà benguna te menge kevuwazan ni Dan ne mid-ubpè dan dutun.