Salmo 7:1 - Manobo Western Bukidnon OT

¹ Nengazen he Megbevayè ku, ed-aput a ziyà te kenikew. Libriya a su zuen menge etew he edsurung kediey,

Salmo 7:1 교차 참조

Salmo 11:1

Diyà a te Nengazen edhangyù he kelesaǥi e zin. Ne maan is egkaǥi kew kayi te kedì te, “Pelaǥuy ka iring te tagbis pehendiyà te menge vuvungan,

Salmo 13:3

Nengazen he Megbevayè ku kenà a kenikew pesegdana; iveǥey nu en kedì is mibuyù ku pinaaǥi te ked-ampù ku. Ilikù nu kayi te kedì is desen ku su para kenà a mebpatey.

Salmo 13:5

Ebpekesarig a kenikew, Nengazen, su ǥeina te kenà egkaawà is kebmahala nu kediey. Ne utew a egkelipey su edlibriyen e man kenikew.

Salmo 18:2

Iyan ka, Nengazen, batu he endilungè ku, melig-en he elesè ku wey menluluwas. Iring ka te elesà he vatu, he ed-eles a ziyà te kenikew. Iyan ka kelasag ku, mekeǥeǥehem he menluluwas, wey eputà.

Salmo 18:28

Nengazen he Megbevayè ku, iyan ka kerayag ku. Emun merusirem, ne iyan ka sulù ku.

Salmo 26:1

Nengazen, ipeehè nu he wazè ku salà, su nengungubpaan a he wazà igkesawey kedì ne mibpurung a medsarig kenikew.

Salmo 3:7

Sigi en, Nengazen he Megbevayè ku, libriya a! Su zengan mibpeel-elezan nu is langun he kuntada ku he menge lalung; ne in-awè nu is gehem dan he iyan pezem kedezaat kedì.

Salmo 30:12

Umbe, kenà a ebpereremek dà, kekenà, egkanta a te menge kedalig kenikew. Nengazen he Megbevayè ku, ebpeselamatan ku sikew te wazà pidtemanan.

Salmo 30:2

Nengazen he Megbevayè ku, mibpetavang a kenikew tenged te zaru ku, ne mibewian a kenikew.

Salmo 31:15

Is untung ku ne ziyan te kenikew; libriya a te menge kuntada ku he edezaat kedì.

Salmo 32:10

Mahabet is menge kemereǥenan he egkeseǥazan te lalung he menge etew, iyan, sikan mulà, is midsarig diyà te Nengazen, ebmahalen din wey edlevanan din sikandan.

Salmo 43:4

Ne zutun ed-uvey a ziyà te pemuhatà he zutun ka ebpemuhata, Megbevayè ku, iyan ka ebeǥey kedì te kelipey. Megbevayè ku, edeliǥen ku sikew pinaaǥi te kedtukar te alpa.

Salmo 89:26

Egkaǥi sikandin kayi te kediey te, ‘Iyan ka amey ku wey Megbevayè ku; iyan ka endilungè ku wey menluluwas ku.’

Isaias 50:10

Hentei keniyu is edtahud te Nengazen wey ebpezumazuma te menge penurù te suluǥuen din? Ereg sikandin he edsarig te Nengazen he Megbevayè din minsan midhipanew sikandin diyà te merusirem he wazà duen bulug kerayag.

Jeremias 15:15

Migkaǥi si Jeremias te, “He Nengazen, netuenan nu is langun he nehitavù kediey. Tentenuzi a wey uǥupi a. Belesi nu is edtinguhà te kezeetan ku. Netuenan ku he kenè ka melemu egkepauk, umbe kenè nu kuwaa is untung ku. Tentenuzi nu is ked-entusa ku te keelezan tenged kenikew.

Jeremias 20:11

Piru zuma ku sikew, Nengazen. Iring ka te mevurut he sundaru, umbe is menge edal-as kedì egkezeetan wey kenà edlampus. Egkepeel-elezan sikandan ne kenè dan edlampus, ne kenà egkelipatan is keelezan dan taman te taman.

Jeremias 31:18

Nezineg ku is sineǥawan te menge tig-Efraim. Ke sikandan te, “Nengazen, neiring key te nati he vaka he wazà melayam te eyuǥu, iyan, mibpenurù key kenikew te kebpezumazuma kenikew. Iyan ka Nengazen he Megbevayè dey, umbe ilikù key kenikew ziyà te tanè dey.

Daniel 9:4

Ne iyan heini migkaǥi ku zutun te ked-ampù ku ziyà te Nengazen he Megbevayè ku wey kedtug-an ku te menge salè ku wey menge salà te menge Israilihanen: “Nengazen, mekeǥeǥehem ka wey egkein-inuwan he Megbevayà. Metinumanen ka, ne edtumanen nu is penaad nu he ebmahalen nu is ebmahal kenikew wey edtuman te menge suǥù nu.

Habakuk 3:1

Iyan heini ampù te ebpeneuven he si Habakuk:

Zacarias 14:5

Ne ebpemelaǥuy kew he ebayà kayi he suǥud, su taman man te Azel is egkeuma kayi. Ebpemelaǥuy kew iring te mibeelan te menge kepuun niw hein midlinug dutun te timpu ni Hadì Uzia he hadì te Juda. Ne ebpekeuma is Nengazen he Megbevayè ku duma te langun he menge velinsuǥuen din.

Josue 14:8

Piru mibpelihandek te menge zuma ku is menge etew. Piru siak, metinumanen a te kedsunud te Nengazen he Megbevayè ku.