Biblia Todo Logo
온라인 성경

- 광고 -




Salmo 5:5 - Manobo Western Bukidnon OT

5 Kenà ebpekeuvey kenikew is menge mepelevawen; egkepeukan nu is langun he ebaal te mezaat.

장을 참조하십시오 복사




Salmo 5:5
21 교차 참조  

Edsusiyen din is menge metazeng wey is menge lalung he menge etew. Ne egkeepesan din is menge mesipala.


Migkaǥi is Nengazen te, “Is langun he kelelalung te menge etew ku mibpuun hein diyè dan te Gilgal. Ne zutun he lugar neepesan ku en sikandan. Ne tenged te kelelalung dan ibpaawè ku sikandan kayi te Israel he mid-isip ku he ubpeey ku. Ne kenè ku en sikandan ebmahalen; nekidsukulà kedì is langun he menge pengulu zan.


Umbe te andew te kedhukum, edsilutan sikandan te Megbevayà ne kenà sikandan ebpeketampu te menge metazeng.


Is menge etew he ibpaawè ku zutun he tanà iyan mibaal keniyan he kelelalung, ne tenged kayi igkelimezangi ku sikandan. Umbe kenè niw iringi is ebeelan dan.


Is kedtahud te Nengazen iyan ebpuunan te hustu he ketau, piru is tulebung he etew kenè din egkesuatan is hustu he ketau, ne kenè din daan egkesuatan he metulid is mezaat he vetasan din.


Geina te metazeng ka, ne kenè nu egkaantus is kedtengteng te kelelalung wey kegubut. Piru maan is mibey-anan nu zà is meluiven he menge tig-Babilonia? Maan is intuǥut nu he mezèdeeti zan is menge etew he emun idhindeg kandan ne edhuna sikandan he lalung?


Sikiyu is menge wazè din utew hanew, penigudu kew wey kew mebmetau. Sikiyu is menge tulebung, gemita niw is kedsavut niw.


Naawà is pelavey ku zuen te tetelu he menge perevantey te menge kerehidu he nepeukan e zan. Umbe impaawè ku sikandan is langun seled dà te senge vulan.


Emun duen ibpenaad nu ziyà te Megbevayà, ne kenè nu pekeuǥeta is kedtumana nu zutun. Tumana nu is penaad nu kandin su kenè din igkesuat is menge tulebung he wazà medtuman te menge penaad dan.


“Sikiyu is menge wazè din hanew, taman te taman en be he iring kew keniyan? Sikiyu is menge mesudì, taman te taman en be is kegkelipey niw te kedsudì? Sikiyu is menge tulebung, taman te taman en be he kenè kew egkesuat he mebmetau?


Migkeǥiyan ku is menge hembugiru he menge lalung te med-engked en sikandan he ebpahambug wey ebpehivantug tenged te egkehimu zan.


Nengazen, ke và nu zà inlista is menge salè dey, ne hentei zà buwa is egkesamà diyan te etuvangan nu?


Sikiyu is menge taleng wey menge tulebung, keenu kew pa ebpekesavut? Sevuta niw kun be heini:


Kenà egkesavut te menge tulebung wey menge taleng


Is menge tulebung, egkaǥi sikandan diyà te gehinawa zan te, “Wazà Megbevayà!” Pudu sikandan lalung ne utew mezaat is menge vaal zan. Wazà minsan sevaha kandan he ebaal te meupiya.


su nesina a te gelbuwen wey lalung he menge etew hein neehè ku he mid-uswag sikandan.


Ibpahambug dan is menge mezaat he tinguhè dan. Is menge etew he azen is dekelà diyà te ǥehinawa zan, ebpenrawak wey ed-undaunda kenikew, Nengazen.


Egkeepesan te Nengazen is etew he ed-ulaula te mezaat, piru ebmahalen din mulà is ebpeninguhà he mekeulaula te metazeng.


우리를 팔로우하세요:

광고


광고