3 Emun meselem ed-endamen ku is gehinawa ku te kebpengemuyù diyà te kenikew. Ne emun ebpekepasad e en, ne edteǥazan ku is tavak nu te hangyù ku.
Edèdaaǥen dan is menge pubri, ne nezineg te Megbevayà is kebuyù dan te tavang.
Mid-enew ad te wazè pa medsilà is andew, ne mibuyù a te tavang diyan te kenikew. Midseriǥan ku is saad nu.
Pemineǥa nu is kebpehizuhizu ku kenikew.
Edtaǥad a kenikew, Nengazen, lavew pa te kedtaǥad te perevantey te kebmeselem.
Edeliǥen ku sikew, Megbevayè ku he Hadì. Edeliǥen ku sikew te wazà pidtemanan.
Megbevayè ku, wazè ku en himeley su maandew wey mezukilem is kebpengumew-umew ku kenikew, iyan, wazà a kenikew tevaka.
Pinaaǥi kenikew egkezaag dey is menge kuntada zey.
Meselem, meudtu, wey mezukilem ebpekeriklamu a zuma is kedag-es ne ebpemineǥen e zin.
Nengazen, tevaka a tenged te keupiya nu wey kebmahala nu kedì. Seǥipaa a tenged te zekelà he hizu nu kedì.
Iyan ka, Megbevayà, hadì dey puun pa zengan, ne kemahabet nu en libriya is menge etew kayi te kelibutan.
Utew zeyzey is menge etew he ziyà ed-upbà te valey nu; layun sikandan egkanta te kedalig kenikew.
Piru siak mulà, Nengazen, ne ebuyù a te tavang diyà te kenikew. Kada meselem ed-ampù a ziyà te kenikew.
Ebpengenduyen ku sikew ke timpu te mezukilem, te ebpuun te tivuuk he gehinawa ku. Tutuu he emun edhukuman nu is menge etew kayi te kelibutan, ne egketau sikandan te metazeng he kebpengungubpaan.
Mibpemineg nu is kebpehizuhizu ku wey kebuyù ku te tavang.
