Salmo 48:8 - Manobo Western Bukidnon OT

⁸ Netudtulan key zà dengan te menge vaal te Megbevayà, ne guntaan neehè dey en heini ziyà te inged te Megbevayè dey, he Mekeǥeǥehem he Nengazen. Edlig-enan din heini he inged te taman te taman.

Salmo 48:8 교차 참조

Salmo 87:5

Tutuu he egkekaǥi heini mehitenged te Zion, he mahabet he menge etew is kenà tig-Zion he ed-isipen he hustu en he tig-Zion. Ne iyan edlig-en kayi he inged is Utew Lavew he Megbevayà.

Micas 4:1

Diyà te huziyan he menge andew, sikan is buvungan he nevengunan te valey te Nengazen egkehimu he lavew he impurtanti te langun he menge vuvungan. Ne ebpekeuma kayi he vuvungan is mahabet he menge etew he ebpemuun diyà te mahabet he menge nasyun.

Salmo 46:5

Kayi he inged ed-ubpà is Megbevayà, umbe kenà heini egkezeetan. Kenà edlanganlangan is Megbevayà para te kedtavang kayi he inged.

Isaias 2:2

Diyà te huziyan he menge andew, sikan is buvungan he edhitindeǥan duen te valey te Nengazen egkehimu he lavew he impurtanti te langun he menge vuvungan. Ne ebpekeuma kayi he vuvungan is mahabet he menge etew he ebpemuun diyà te langun he menge nasyun.

Isaias 38:19

Iyan dà ebpekezalig kenikew is menge uuyag iring te ebeelan ku ǥuntaan. Is kada lapis te kevuwazan ebpenudtul ziyà te edsunud he lapis te kevuwazan te kebmetinumanen nu.

1 Hadì 22:49

Dutun he timpu, migkaǥi si Ahazia he anak ni Ahab diyà te ki Jehoshafat te, “Ipezuma nu is menge etew ku te menge etew nu te kebiyahi ziyà te zaǥat.” Piru wazà mebpemineg si Jehoshafat.

Ezekiel 27:26

Piru te ed-uwiten ka te menge perevegsey nu ziyà te lawed, ebengkaǥen ka te mevendes he keramag he ebpuun diyà te edsilaan.