Salmo 4:3 - Manobo Western Bukidnon OT

³ Tentenuzi niw he mibpilì te Nengazen is menge etew he edsunud kandin para mehimu he ǥaked din. Tenged kayi, ebpemineǥen e zin emun ebpengumew-umew a kandin.

Salmo 4:3 교차 참조

Salmo 31:23

Sikiyu is menge etew te Nengazen he metinumanen, mahala niw sikandin. Ebentayan te Nengazen is menge metinumanen, iyan, dekelà mulà is idsilut din te menge mepelevawen.

Salmo 34:15

Ebentayan te Nengazen is menge metazeng, ne ebpemineǥen din is menge pengemuyù dan.

Salmo 49:3

Egkaǥi a te egkezumahan te ketau ne zekelà is pulus te ked-isip-isip ku.

Salmo 50:5

Egkaǥi sikandin te, “Tiguma niw kayi te kediey is metinumanen he menge etew ku he mibaal te kedpekid-uyun kedì pinaaǥi te kebpemuhat.”

Salmo 56:9

He Megbevayà, dutun te ked-umawa ku kenikew ebpemekepelaǥuy is menge kuntada ku. Neseǥazan ku heini tenged te edlevanan a kenikew te Megbevayè ku.

Salmo 6:8

Sikiyu is memezaat is baal, pekeziyù kew kediey, su nezineg en te Nengazen is sineǥawan ku.

Salmo 62:10

Kenè kew medsarig te kebpeneligkep te azen. Kenè niw peretenga is keupiyaanan pinaaǥi te kebpenakew. Minsan edekelè pa is ketiǥeyunan niw, ne kenè niw heini seriǥi.

Exodus 33:16

Is kedumahi nu kenami iyan igketueni te zuma he menge etew he nekepenunuat kenikew is menge etew wey siaken. Is kebpekiduma nu kenami iyan ibpekeviza zey te zuma he menge etew kayi te tanà.”