Salmo 4:2 - Manobo Western Bukidnon OT

² Sikiyu is menge etew he egkuntada kediey, sengemenu keluǥayad is kebpeel-elezi niw kedì? Sengemenu keluǥayad is kebmahala niw te menge tuluuwen he wazè dan pulus wey kedsunud te ketetarù?

Salmo 4:2 교차 참조

Salmo 106:20

Inliwè dan dà is mekeǥeǥehem he Megbevayè dan te ledawan te tudu he vaka he ebpenabtab dà te sagbet.

Salmo 14:6

Edhimuwen dan he kenè edlampus is menge pelanu te menge egkaayuayu, piru iyan is Nengazen ebpengalang te menge egkaayuayu.

Salmo 2:1

Maan is ed-isipen te menge etew is kedsukul te Nengazen? Maan is ed-isipen dan is wazè din pulus?

Salmo 3:3

Piru is tutuu, iring ka te kelasag he ebpengalang kedì. Iyan ka ebeǥey kedì te kezeeǥan wey kelig-en.

Salmo 31:6

Utew ku egkeepesi is menge etew he ed-azap te wazà menge pulus he menge ed-ezapen, su ziyè e man mulà te kenikew medsarig, Nengazen.

Salmo 5:6

Edezeetan nu is menge teruen ne egkeepesan nu is menge etew he ebpenhimatey te etew wey is menge men-aakal.

Salmo 50:15

Umawa a keniyu te timpu te kelised su edlibriyen ku sikiyu, ne zutun edeliǥen a keniyu.”

Salmo 57:4

Edliǥuyan a te menge kuntada ku he iring te menge erimaung he andam he edawi te etew. Is menge ngipen dan iyan is menge vangkew wey menge vesut te panà. Is menge zilè dan iyan is meǥarang he menge ispada.

Salmo 58:1

Sikiyu is menge pengulu, metazeng be is kedhukum niw te menge etew?

Salmo 58:3

Is menge lalung, ebpekeziyuan dan is Megbevayà ne edtarùtarù dan puun pa te kegkeetew zan.

Salmo 63:11

Egkelipey is hadì tenged te midhimu te Megbevayà diyà te kandin. Egkelipey zaan is langun he ebpenangdù diyà te Megbevayà. Piru ibpetiem mulà te Megbevayà is menge teruen.

Salmo 72:2

para egkezumahan te ketazeng is kedhukumi zin te menge etew nu lavew en is egkengaayu-ayu.

Exodus 10:3

Ne midhendiyà si Moises wey si Aaron te hadì ne migkeǥiyan dan sikandin te, “Iyan heini migkaǥi te Nengazen he iyan Megbevayà te menge Hebriyuhanen, ‘Sengemenu kun is keluǥayad te kebpelavew nu ziyà te etuvangan ku? Tuǥuti nu te kegenat is menge etew ku su wey zan mekaazap kedì.

Erubasa 1:22

“Sikiyu is menge wazè din hanew, taman te taman en be he iring kew keniyan? Sikiyu is menge mesudì, taman te taman en be is kegkelipey niw te kedsudì? Sikiyu is menge tulebung, taman te taman en be he kenè kew egkesuat he mebmetau?

Megwewali 8:11

Emun kenà segugunà edhukumi is etew he ebpekesalà, ne ebpekeisip daan is duma te kebaal te mezaat.

Megwewali 9:3

Iyan heini edhuna he kenà meupiya te langun he egkengeulaula kayi te kelibutan: neked-iring dà is egkepeveyaan te langun. Ne te kemulu pa uuyag is etew ne iyan ebpeketaǥù te isip din is mezaat wey tinulebung; ne te huziyan he timpu ebpatey sikandin iring te zuma.

Isaias 20:5

Is menge midsarig te Etiopia wey is ebantug te Ehipto egkengeheratan wey egkengepeel-elezan.

Isaias 45:17

Piru edlibriyen nu mulà, Nengazen, is Israel, ne wazà pidtemanan te kelibriyanan dan. Kenè en sikandan egkepeel-elezan taman te taman.

Isaias 59:4

Wazà diyà te keniyu is hustu he kukuman; ne tarù is menge sumbung niw mehitenged te iring niw he etew. Ebpelanu kew te mezaat, ne ebeelen niw heini.

Jeremias 2:11

Duen be nasyun he is menge meǥinged duen, mid-ilisan dan is midtuuwan dan he megbevayà, minsan ke kenà heini tutuu he megbevayà? Piru siak is dungganen he Megbevayà, mid-ilisan a te menge etew ku te menge ed-ezapen he wazà pulus.

Jeremias 2:5

Iyan heini migkaǥi te Nengazen: “Hengkey is sayep ku he naahà te menge kepuun niw he iyan hinungdan te kebpekeziyui zan kedì? Iyan dan midsunud is menge ed-ezapen he wazà menge pulus, ne tenged dutun nehimu zaan sikandan he wazà menge pulus.

Jeremias 9:3

Migkaǥi is Nengazen te, “Menge tarù is egawas diyà te vèbà te menge etew ku he iring te panà he andam en he ibpanà. Tarù is egkeseksiyan kayi he tanà ne kenà tutuu. Midsubre en is kebaal zan te salà, ne wazè e zan kilelaa.

Hoseas 4:7

Dutun te kebmahabet niw te menge memumuhat, ne mibmahabet en daan is menge salè niw kayi te kedì. Umbe ed-el-elezen ku sikiyu pinaaǥi te impahambug niw.

Jonas 2:8

Sikan is menge etew he iyan edsimbahan dan is duma he menge ed-ezapen, ne mid-engkezan dan is gaǥew nu kandan.

Numero 14:11

Migkaǥi is Nengazen diyà te ki Moises te, “Keenu ves buwa ed-engked heini is menge etew te kedselikwey kedì? Keenu zan buwa ed-engkezi is kenè dan kedtuuwi kedì minsan neehè dan is egkengein-inuwan he mibeelan ku ziyà te kandan?

1 Samuel 12:21

Kenè kew penilbi te menge ed-ezapen he wazè dan pulus. Su kenà heini ebpekeluwas wey ebpeketavang keniyu.