Salmo 3:3 - Manobo Western Bukidnon OT

³ Piru is tutuu, iring ka te kelasag he ebpengalang kedì. Iyan ka ebeǥey kedì te kezeeǥan wey kelig-en.

Salmo 3:3 교차 참조

Genesis 15:1

Ne hein neiwas haazà, mibpekidlalag ki Abram is Nengazen , ke sikandin te, “Abram, kenè ka mahandek, su edlevanan ku sikew wey ebeǥayan ku sikew te utew zekelà he suhul.”

Genesis 40:13

Dutun te kenè pa egkeuma is tetelu he andew, ne ibpeǥawas ke en te hadì kayi te pirisuwan, ne ibpelikù ke zin diyà te zaan he terebahu nu he iyan is ked-uwiti nu kandin te vinu.

2 Hadì 18:30

Kenè kew petuntu kandin mehitenged te kedsarig te Nengazen, emun egkaǥi sikandin te, ‘Siguradu he edlibriyen kiw te Nengazen; heini is inged tew, kenè din ibeǥey ziyà te hadì te Asiria.’

2 Hadì 18:32

Egkehimu heini taman te ebpekelikù a ne edumahan ku sikiyu ziyà te tanà he iring te tanè niw. Haazà is tanà, ne zuen duen menge pemuleey te paras he ebpekeveǥey keniyu te vinu, wey trigu he egkehimu he supas niw, wey zuen daan menge kayu he ulibu wey menge teneb. Tumana niw is egkeǥiyen ku su para meuyag kew ne kenè kew mebpatey. Kenè kew pemineg ki Hezekia su edliveǥen kew zin dà emun egkaǥi sikandin te, ‘Edlibriyen kiw te Nengazen!’

2 Hadì 25:27

Hein ike-37 he tuig te kegkevihag ni Hadì Jehoyakin he hadì te Juda, nehimu he hadì diyà te Babilonia si Evil Merodac. Ne impeǥawas din diyà te pirisuwan si Jehoyakin hein ike-27 he andew te ike-12 he vulan dutun he tuig.

Salmo 110:7

Sikew, Mahal he Hadì, ed-inum ka ziyà te wahig he edtudà he ziyà te kilid te zalan, umbe edlikù is desen nu ne ebpekezaag ka.

Salmo 119:114

Iyan ka elesè ku wey endilungè ku; midsarig a te lalag nu.

Salmo 18:2

Iyan ka, Nengazen, batu he endilungè ku, melig-en he elesè ku wey menluluwas. Iring ka te elesà he vatu, he ed-eles a ziyà te kenikew. Iyan ka kelasag ku, mekeǥeǥehem he menluluwas, wey eputà.

Salmo 27:6

Umbe, egkezaag ku is menge kuntada ku he edliǥuy kediey. Ne ebpemuhat a zutun te valey te Nengazen duma is ked-uruhuy ku su utew a egkelipey. Ne egkentahan ku sikandin.

Salmo 28:7

Iyan ka mibeǥey kedì te zesen; iyan ka migkelasag kedì. Midsarig a kenikew ne edtevangan a kenikew. Umbe utew a melipayen ne migkanta a te peselamat diyà te kenikew.

Salmo 4:3

Tentenuzi niw he mibpilì te Nengazen is menge etew he edsunud kandin para mehimu he ǥaked din. Tenged kayi, ebpemineǥen e zin emun ebpengumew-umew a kandin.

Salmo 62:7

Iyan is Megbevayà edlibri kedì wey ebeǥey kedì te zengeg. Iyan sikandin melig-en he endilungè ku he edlavan kedì.

Salmo 84:11

Su sikew, is Nengazen he Megbevayà, iring ka te andew he ebpeketayew, wey te kelasag he egkehimu he pengalang. Ebeǥey ka te pebur wey zengeg. Kenè nu idsekel is minsan hengkey he meupiya ziyà te nengungubpaan he wazà duen igkesawey.

Isaias 45:25

Tenged te tavang te Nengazen, is langun he kevuwazan ni Israel ebpekaangken te kezeeǥan duma is ketazeng, ne edalig dan kandin.

Isaias 60:19

“Is andew wey vulan kenè en iyan ebpekeveǥey kenikew te kerayag maandew man etawa mezukilem, su siak, is Nengazen, iyan e en kerayag nu te wazà pidtemanan. Siak is Megbevayà, iyan e en kempet nu.

Deuteronomio 33:29

Utew kew zeyzey is menge etew te Israel! Wazà iring keniyu su iyan kew menge etew he midlibri te Nengazen. Is Nengazen iyan ebpengalang wey edtavang keniyu, ne iyan sikandin ebpekidtebek para keniyu. Ebpenanap is menge kuntada niw pehendiyà te keniyu, ne edtekutakan niw is menge peka zan.”