Salmo 24:3 - Manobo Western Bukidnon OT

³ Hentei is egkehimu he edtekezeg diyà te vuvungan te Nengazen? Hentei is ebpekeseled diyà te segradu he valey zin?

Salmo 24:3 교차 참조

1 Cronica 15:1

Mibpehitindeg si David te menge bilding para te keugelingen din diyà te Jerusalem he egngezanan te Inged ni David. Mibpevaal zaan sikandin te tulda para te Kavan te Kebpekid-uyun te Megbevayà. Ne impelastar zin diyà te lugar he in-andam din para kayi.

Salmo 15:1

Nengazen, hentei is edtuǥutan nu he mekeubpàubpà diyà te valey nu? Hentei is edtuǥutan nu he ebpekeubpà diyà te segradu he vuvungan nu?

Salmo 2:6

Ke sikandin te, “Diyà te Zion, kes segradu he vuvungan ku, insavuk ku is mibpilì ku he hadì.”

Salmo 65:4

Deyzey is etew he mibpilì nu wey midhinggat nu he ziyà med-ubpà te valey nu. Diyà te valey nu he iyan kes segradu he ubpeey nu egkeveyangan key te meupiya he menge vutang.

Salmo 68:18

Hein mibpeketikang sikandin, mahabet he menge vihag is mid-uwit din, ne midawat din is menge gasa he ebpuun diyà te menge etew, minsan is ebpuun diyà te mesinupaken kandin. Ne kayi te kenitew ed-ubpà is Nengazen he Megbevayà.

Ezekiel 44:5

Migkaǥi pa is Nengazen kayi te kedì te, “Sikew is etew, timan-i nu wey purungi nu pemineǥa is egkeǥiyen ku ziyà te kenikew mehitenged te langun he sulunuzen bahin te valey ku. Kinahanglan he egketuenan nu ke hentei is ereg he edseled duen te valey ku wey is kenà ereg he edseled kayi.

Ezekiel 44:9

Umbe siak is Nengazen he MEGBEVAYÀ, iyan egkeǥiyen ku is: is menge etew he kenà Israilihanen, kenè ku idtugut he mekeseled sikandan diyà te valey ku, minsan is kenà menge Israilihanen he mid-ubpà duma keniyu.’

Leviticus 10:3

Ne migkeǥiyan ni Moises si Aaron te, “Iyan heini ibpesavut te Nengazen hein migkaǥi sikandin te, ‘Kinahanglan he egkilelaan te menge memumuhat is kegkewaǥas ku, wey kinahanglan he ebeǥayan a te zengeg te langun he menge etew ku.’ ” Wazà meketavak si Aaron.

Malakias 3:1

Pemineg kew te migkaǥi te Nengazen he Mekeǥeǥehem, “Edsuǥuen ku is menunudtulè ku te ked-andam te ibayè ku. Ne is Nengazen he ebperetengen niw segugunè dà he ebpekeuma zutun te valey zin. Ebpekeuma is ebpengenduyen niw he menunudtulà te kebpekid-uyun ku.”