3 Iyan waǥas ka, ne edeliǥen ka te menge tig-Israel su iyan ka hadì dan.
Is ebpemuhat kayi te kedì te kebpeselamat ebeǥey kedì te zengeg, ne edlibriyen ku sikan is ebpekeventayan din he kenà sikandin mekevaal te mezaat.”
Deliǥa niw sikandin su iyan sikandin Megbevayè niw he mibaal te mekeǥeǥehem wey egkein-inuwan he menge vaal he neehè niw mismu.
Ne ebpekegkeǥiyà sikandan te: “Waǥas, waǥas, waǥas is Nengazen he Mekeǥeǥehem he is kebpekiduma zin nekeeneb te tivuuk he kelibutan.”
Deliǥa is Nengazen he Megbevayè tew. Simbaha niw sikandin diyà te segradu he vuvungan he migaked din, su waǥas is Nengazen he Megbevayè tew.
He Megbevayà, ereg ka he edeliǥen dey ziyà te Zion! Ne edtumanen dey is penangdù dey kenikew.
Nengazen, metazeng ka, ziyà te langun he paaǥi nu, ne hihizuwen ka ziyà te langun he ebeelan nu.
“Nengumew a is ebuyù te tavang, piru wazà midtavak kedì. Mibuyù a te hustu he kukuman, piru wazà mibeǥey kayi kedì.
“Nengumew-umew a kenikew, Megbevayà, piru wazè ka medtavak. Midhitindeg a ziyà te etuvangan nu, piru wazà a kenikew seǥipaa.
Pemineǥa nu is ampù ku; tevaka nu is kebuyù ku te tavang.
Migkaǥi si Habakuk te, “He Nengazen, taman te keenu is kebuyù ku te tavang diyà te kenikew he zutun ebpemineg ke en human kedì? Keenu key kenikew edlibriya ziyà te menge etew he mibpesipala kenami?
