Salmo 102:3 - Manobo Western Bukidnon OT

³ Su is untung ku meǥaan dà egkaawà iring te evel; is lawa ku ne henduen be te edtutungen.

Salmo 102:3 교차 참조

Job 30:30

Mibmeitem is lundis ku wey egkengepadpad is keǥang ku. Ne utew metikang is dateng ku.

Salmo 119:83

Minsan pa ke neiring ad te lundis he teleǥuey te vinu he wazè din en pulus, wazè ku lipati is menge sulunuzen he ibpesunud nu.

Salmo 27:9

Kenà a kenikew elesi! Kenà a kenikew iselikwey tenged te pauk nu kedì te suluǥuen nu. Iyan ka neketavang kedì, umbe kenà a pesegdana wey iselikwey, Megbevayà he menluluwas ku.

Salmo 31:10

Layun ku zuen igkeseeng. Nepipire en he tuig is kebpeketulung ku kebpekesineǥew. Mibmeluya ad tenged te menge elentusen ku, ne henduen be te wazè en desen te menge tulan ku.

Salmo 31:3

Geina te iyan ka endilungè ku wey melig-en he elesà, penurua a wey ǥiyahi a su wey ka meveǥayi te zengeg.

Salmo 37:20

Iyan, is menge lalung egkengezeetan mulà sikandan. Is menge kuntada te Nengazen egkeiring te bulak su ebpematey zan dà. Egkengahanew sikandan iring te evel.

Salmo 38:3

Tenged te kegkepauk nu te kebpekevaal ku te menge salà, ne kenà meupiya is kegezamgezam ku kayi te lawa ku.

Penhulùhulù 1:13

Puun te langit imbulus din is hapuy he henduen be te neketutung te menge tulan ku. Midlitaǥan din is beyeey ku ne neutel a. Midhimu e zin he mekevulungbulung ne midsiguduwan e zin resaya.

Penhulùhulù 3:4

Impemeluya zin is tivuuk he lawa ku, ne mibadtì din is menge tulan ku.