4 Edlikayan ku is menge etew he kulived; ne kenà a edtampu te kelelalung dan.
Sikiyu is mezaat is menge vaal, pekeziyui a keniyu, su wey ku metuman is menge suǥù te Megbevayè ku.
Wazà a mebpekiduma te menge etew he limbungan wey uvag-uvag dà is menge ulaula zan.
Kenà a uyun te menge kevurunan te mezaat he menge etew. Ne wazà a mulà mebpekiduma kandan.
Sikiyu is memezaat is baal, pekeziyù kew kediey, su nezineg en te Nengazen is sineǥawan ku.
Egkeepesan te Nengazen is menge etew he iyan dan ed-isipen is mezaat, iyan, igkelipey zin mulà is menge etew he wazà igkesawey te menge ulaula zan.
Kenè ka mebpekid-emiǥu te etew he melemu egkepauk,
Is menge metazeng egkeepesan dan is menge lalung, ne is menge lalung egkeepesan dan daan is menge metazeng.
Su egkeepesan te Nengazen is etew he mesinupaken, iyan, ebpekid-emiǥu mulà sikandin te etew he metazeng.
Is langun he edtahud te Nengazen, igkeepes dan is mezaat. Egkeepesan ku is kegkegelbuwen, is kegkemepelevawen, is mezaat he menge vetasan, wey is winalì he menge lalag.
Kenè niw ipedayun is kedtinulebung niw ne ebmeupiya is ked-ubpè niw, ne pengungubpaan kew zuma is kedsavut.”
