3 Ne kenè ku ebpesegdanen is kebpedayun te kelelalung. Utew ku igkeepes is menge ulaula te menge etew he ed-iniyug te Megbevayà, ne kenè ku ebeelan is iring keniyan.
Nekekaǥi a kayi te gehinawa ku te, “Ebpekeventayan ku is ed-ul-ulahan ku, ne edlikayan ku he mekesalà a pinaaǥi te kegkaǥikaǥi ku. Ebpeninguhaan ku he kenà a mekeriklamu ziyà te Megbevayà. Lavew en ke ziyà te uvey ku is lalung he menge etew.”
Is menge etew he mibmahal zan is Nengazen ne kinahanglan he igkeepes dan is mezaat. Su edtipiǥan te Nengazen is untung te metinumanen he menge etew zin. Ne kenà ebpekezezaat kandan is menge lalung su edlibriyen din sikandan.
Wazè en meuǥet ne wazè en sikandan med-ikul ziyà te zalan he ibpeikul ku kandan; midtunew zan te vulawan ne mibeelan dan he ed-ezapen he vaka, ne mid-azap dan haazà wey mibpemuhat dan. Ne egkeǥiyen dan te iyan haazà ed-ezapen dan he nengulu kandan te kegawas diyà te Ehipto.”
Is langun he edtahud te Nengazen, igkeepes dan is mezaat. Egkeepesan ku is kegkegelbuwen, is kegkemepelevawen, is mezaat he menge vetasan, wey is winalì he menge lalag.
Wazà kayi pulus; henduen dà te edal-as ka te keramag. Umbe meupiya pa ke egkekuntintu ke en ke hengkey is naazen nu, ne kenè ke en medtulung mebpenganduy te zuma pa.
Is ebpekeubpà dutun, iyan is etew he nengungubpaan he metazeng wey tutuu is menge lalag din, ne wazà mebpenapì, wey wazà medawat te sipsip. Wazà sikandin mebpekiduma te mibpelanu te kebpemenhimatey wey te kebaal te zuma pa he mezaat he menge vaal.
Ed-eǥawen niw is menge vevesukà wey menge valey he egkesuatan niw. Edlimbungan niw is menge etew wey niw mekuwa is baley zan wey is tanà he kevilin dan.
Kenè kew medtipig te minsan hengkey he vutang he zutun te inged su neteǥane en heeyan he edezeetan. Emun edtumanen niw heini is langun, id-awà te Nengazen is dekelà he pauk din, ne egkehizuwan kew zin. Ne tenged te hizu zin ibpemezakel kew zin sumalà is penangdù din diyà te menge kepuun niw.
Kenè kew med-isip te selakew, kenè niw isipa he tenged te hapit en egkeuma is ikepitu he tuig, he iyan kes tuig he kenè en edsukuten is utang ne kenè kew en ebpeutang te pubri he zuma niw he meǥinged. Su emun edangep heini is pubri ziyà te Nengazen tenged te kebeeli niw zutun ne zuen niw televaken.
“Mebpekelig-en kew, ne peniguduwi niw he metuman niw is langun he ingkesurat diyà te Libru te Kesuǥuan ni Moises. Kenè niw repasa is minsan hengkey he vahin kayi.
“Mibesulan ku is kedhimuwa ku ki Saul he hadì, tenged te mid-iniyuǥan e zin ne wazè din daan tumana is suǥù ku.” Hein nezineg haazà ni Samuel, utew sikandin nepauk, umbe midhangyù sikandin diyà te Nengazen te tivuuk he kezukileman.
