Salmo 100:2 - Manobo Western Bukidnon OT

² Silbiyi niw is Nengazen duma is kelipey. Uvey kew ziyà te kandin he egkanta te kegkelipey.

Salmo 100:2 교차 참조

1 Hadì 8:66

Ne hein nepasad haazà is Pista impeulì ni Solomon is menge etew. Mibpenubtuvazan dutun te menge etew si Hadì Solomon, ne hein nepasad nemen-ulì dan he melipayen tenged te langun he meupiya he mibeelan te Nengazen diyà te suluǥuen din he si David wey ziyà te menge etew zin he menge Israilihanen.

2 Cronica 29:30

Midsuǥù ni Hadì Hezekia wey te menge upisyal zin is menge Levihanen te kedalig te Nengazen pinaaǥi te kegkentaha zan te menge kentahan he vineelan ni Hadì David wey ni Asaf he ebpeneuven. Ne melipayen sikandan he egkanta te menge kentahan he idalig dutun te midluhud sikandan is ed-azap te Megbevayà.

2 Cronica 31:2

Migrupugrupu ni Hadì Hezekia is menge memumuhat wey menge Levihanen he para ebaal te nengetendek he menge vuluhaten dan. Apil kayi is kebpemuhat te menge pemuhat he edtutungen wey is menge pemuhat he para te meupiya he kedepità, is kebpenilbi ziyà te valey te Nengazen, is kebpeselamat wey is kegkanta te menge kedalig diyà te menge ǥemawan te valey te Nengazen.

Salmo 42:4

Kenà meupiya is isip ku emun egketenuzan ku he zutun te nehuna he timpu iyan a nengulu te mezakel he menge etew te kedhendiyà te valey nu. Ne edsilibra key zuma is ked-ugyab te kegkelipey wey kebpeselamat kenikew.

Salmo 71:23

Igkulahì ku is kegkelipey ku zutun te kegkanta ku te kedalig kenikew tenged te kedlibriya nu kediey.

Salmo 95:2

Ed-uvey kiw ziyà te kandin duma is kebpeselamat, ne ed-ugyab kiw is egkanta te kedeliǥa tew kandin.

Deuteronomio 12:12

Ne medlipey kew zutun diyà te etuvangan te Nengazen he Megbevayè niw, duma te menge anak niw, menge suluǥuen niw, wey is menge Levihanen he wazà mekepengevilin te tanà he ebpen-ubpà diyà te inged niw.

Deuteronomio 16:11

Ne medlipey kew ziyà te etuvangan te Nengazen he Megbevayè niw ziyà te lugar he ebpilien din he zutun sikandin ebeǥayi te zengeg. Silibra kew zuma te menge anak niw, menge suluǥuen niw, menge Levihanen he menge meǥinged diyà te menge inged niw, menge kenà Israilihanen, menge ilu wey menge valu he vahi he menge meǥinged diyà te menge inged niw.

Deuteronomio 16:14

Medlipey kew is edsilibra kayi he pista duma te menge anak niw, menge suluǥuen niw, menge Levihanen, menge kenà Israilihanen, menge ilu wey menge valu he vahi he menge meǥinged diyà te inged niw.

Deuteronomio 28:47

Tenged te wazè kew mebpenilbi te Nengazen he Megbevayè niw duma te kelipey wey keǥana, te timpu te kegkezeyzey niw,