Salmo 10:3 - Manobo Western Bukidnon OT

³ Ibpahambug dan is menge mezaat he tinguhè dan. Is menge etew he azen is dekelà diyà te ǥehinawa zan, ebpenrawak wey ed-undaunda kenikew, Nengazen.

Salmo 10:3 교차 참조

1 Hadì 20:25

Ne pekehebeta nu is menge sundaru nu, menge kudè nu, wey menge kerwahi nu he iring kahabet duen te nehuna he naawà diyà te kenikew. Ne zutun ebpekidtebek kiw te menge Israilihanen diyà te menge suǥud, ne siguradu egkezaag tew sikandan.” Mibpezumazuma zutun si Ben Hadad, ne mibeelan din heini.

Job 31:24

“Wazà a medsarig te ketiǥeyunan ku; wazè ku isipa he iyan heini ebpekeveǥey kedì te kesiguruwan.

Salmo 35:21

Imbensag dan kayi te kediey is pesangil zan, he ke sikandan te, “Neehè dey is mezaat he mibeelan nu.”

Salmo 49:18

Dutun te uuyag pa sikandan, ne iyan ked-isipa zan te keugelingen dan he midtuvazan sikandan te Megbevayà, ne edeliǥen sikandan te menge etew tenged te kegkemeuswaǥen dan,

Salmo 5:6

Edezeetan nu is menge teruen ne egkeepesan nu is menge etew he ebpenhimatey te etew wey is menge men-aakal.

Salmo 52:1

Sikiyu is mekeǥeǥehem he menge etew, maan is ibpehivantug niw is kelelalung niw? Kenè be layun kew ebpurungi te Megbevayà?

Salmo 94:4

Utew en ebpemahambug is langun he menge etew he memezaat is baal.

Exodus 15:9

Mibpegalbu is kuntada tew, ke sikandin te, ‘Edel-asen ku sikandan ne edekepen ku; ebehinen ku is ketiǥeyunan dan ne ebpurungan ku heini ebpemulpulusi. Edhulevuten ku is ispada ku ne edèdeetan ku sikandan.’

Erubasa 28:4

Is etew he kenà edtuman te Kesuǥuan, igkesuat din is kelelalung, iyan, is etew he edtuman kayi, igkeepes din mulà is kelelalung.

Megwewali 7:15

Kayi te untung ku he wazè din pulus, neehè ku is langun: is menge metazeng ne nemematey zutun te metazeng he kebpengungubpaan wey is menge mezaat ne ebpengungubpaan te meluǥayad dutun te mezaat he kebpengungubpaan dan.

Isaias 37:23

Hentei is mid-insultuwan nu wey edwelwelien? Hentei is midhenggeran nu wey mibpehembuǥan? Kenè be iyan a is Waǥas he Megbevayà te Israel?

Isaias 57:17

Nepauk a tenged te salà wey keleleǥed te menge tig-Israel, umbe midsilutan ku sikandan wey mid-iniyuǥan. Piru mibpedayun dan gihapun te kebaal te salà.

Jeremias 22:17

Ne sikew mulà, wazè duma he tinguhè nu, kekenà, iyan dà is kebpenlimbung, kebpemenhimatey te menge wazà mekesalà, kebpendaagdaag, wey kebpenhukhuk.

Leviticus 26:30

Edrundusen ku is menge simbahan niw ziyà te metikang he menge lugar ragkes is menge pemuhatà he tutungà te veyewà. Ne idtimbag ku sikiyu is ebpematey ziyà te zivavew te kenà egeǥehinawa he menge ed-ezapen, ne idselikwey ku sikiyu.

Habakuk 2:9

“ ‘Mekehizuhizu kew is mibpehitindeg te menge valey pinaaǥi te selapì he nekuwa niw te mezaat he paaǥi. Midlig-enan niw is menge valey niw su wey kew kenà memenu emun ebpekeuma is kezeetan.

Deuteronomio 29:19

Is minsan hentei he nekezineg te menge petizaan pinaaǥi kayi te menge rawak, ne kenè din isipa he kenà sikandin egkemenu ke ebpedayun he ebaal te kandin dà he egkesuatan. Heini he ulaula ebpekeuwit te kezeetan diyà te keniyu te langun.

Deuteronomio 32:19

Ne naahà heini te Nengazen, ne tenged te utew zin kegkepauk mid-engkezan din sikandan te ed-isip he anak.

Zatù 17:2

Sevaha he andew zutun, migkaǥi si Micas diyà te iney zin te, “Hein netazin is 1,100 he menge pelata nu, nezineg ku he midrewakan nu is migkuwa. Heini zed kes pelata. Iyan a midkuwa.” Migkaǥi is iney zin te, “Mama, berakat he tuvazi ka te Nengazen. Ne kenà med-uteng diyà te kenikew sikan is rawak.” In-ulì ni Micas haazà is 1,100 he menge pelata ziyà te iney zin. Migkaǥi is iney zin te, “Idhalad ku heini ziyà te Nengazen para te keupiyaanan nu te anak ku. Egemiten ku heini he apid te ledawan he kayu he ebpeveelan ku. Uya, idhalad ku heini su wey ka melibri te rawak.”

1 Samuel 23:21

Midtavak si Saul te, “Tuvazi kew te Nengazen te kegkeseeng niw kedì.