Salmo 1:3 - Manobo Western Bukidnon OT

³ Iring sikandin te kayu he ziyà ipemula te veyvey te wahig ne ebpemeǥas sikandin dutun te timpu te tipemeǥas, ne kenà egkeǥangu is menge zahun din. Is etew he iring kayi, ed-uswag diyà te menge vaal zin.

Salmo 1:3 교차 참조

Genesis 39:23

Haazà is egalen te pirisuwan, wazè en igkesemuki zin duen te langun he insarig din ki Jose su midtuvazan man si Jose te Nengazen ne mibpengelinteuwan din he layun meupiya is minsan hengkey he ebeelan ni Jose.

Genesis 39:3

Naahà te egalen din he midumahan si Jose te Nengazen wey midtuvazan is langun he menge vaal zin,

2 Hadì 18:7

Mibpekiduma kandin is Nengazen, ne mezeeǥen sikandin diyà te langun he menge vaal zin. Nekidsukulà sikandin te hadì te Asiria ne wazà mebpenilbi kandin.

1 Cronica 22:11

“Umbe mama, berakat he iyan is Nengazen eduma kenikew wey mebmelempusen ka te kedtukuza nu te valey te Nengazen he Megbevayè nu, sumalà te migkaǥi zin he ebeelan nu.

1 Cronica 22:13

Ne emun egkepurung nu egketuman is menge suǥù wey menge sulunuzen he imbeǥey zin te Israel pinaaǥi ki Moises, ne ebmelempusen ka. Umbe mebpekelig-en ka wey mebpekevurut ka. Kenè ka mahandek wey mebpenluyaluya.

2 Cronica 31:21

Mibmezeeǥen sikandin, su is langun he mibeelan din ne para te valey te Megbevayà wey para te kedtuman te kesuǥuan, wey midangep sikandin diyà te Megbevayè din te kedangep he ebpuun diyà te tivuuk he gehinawa zin.

2 Cronica 32:23

Mahabet he menge etew is mid-uwit te menge halad diyà te Jerusalem he para te Nengazen. Mid-uwit dan daan te mahalen he menge gasa para ki Hadì Hezekia. Puun dutun mibeǥayan te zengeg si Hezekia te langun he menge nasyun.

Job 14:9

emun egkevinyaǥan heini ebpeneringsing pa he iring is tuvù din te veǥu he pinemula.

Job 22:28

Ne ke hengkey is ebpelenuwen nu te ebaal ne egketuman heini, wey ebmerayag is beyeey nu.

Salmo 128:2

Is rimeǥas te menge kedhaǥù niw ne utew ereg te menge kinahanglan niw; ebmelipayen kew wey ebmeuswaǥen.

Salmo 129:8

Berakat he sikan is edsaǥad kenà megkaǥi ziyà te kandan te, “Berakat he tuvazi kew te Nengazen! Ebpenubtuvazan dey sikiyu pinaaǥi te ngazan te Nengazen.”

Salmo 92:14

he ebpemeǥas gihapun minsan meǥurang en, ne kemulu ǥihapun meilem wey melig-en.

Salmo 92:15

Ne puriba heini he metazeng is Nengazen he iyan endilungè ku; wazà minsan hengkey he mezaat diyà te kandin.

Isaias 27:11

Ne hein nengeǥangu en haazà is menge subpang ne nengevadtì heini, ne ed-em-emuren te menge vahi su wey iketavun. Su is menge etew kayi he inged ne wazè dan kedsavut, kenà sikandan egkehizuwan te Megbevayà he mibaal kandan.

Isaias 3:10

Keǥiyi niw is menge metazeng te meupiya is ukur zan, su egkeraǥun dan is beǥas te meupiya he menge vaal zan.

Isaias 44:4

Ed-uswag dan iring te merapung he menge sagbet diyà te wehiǥen etawa menge kayu ziyà te veyvey te dezeisey he menge wahig.

Isaias 58:11

Layun ku sikiyu egiyahi, ne edhimuwen ku he mekuntintu kew en minsan mereǥen is kebpekesavuk niw. Ebbeǥayan ku sikiyu te meupiya he kedlelawa, ne egkeiring kew te pemuleey he kenà egkekurang is wahig etawa serebseb he kenà egkemezahan.

Jeremias 17:8

Iring sikandin te kayu he impemula ziyà te veyvey te wahig, he edhendiyà is menge zalid din te wahig. Heini he kayu kenè egkahandek wey egkeseeng emun ebpekeuma is meluǥayad he gulavung. Is menge zahun din layun meilem ne kenà edsalang he ebpemeǥas.

Ezekiel 17:8

Midhimu heini zutun te pinemula minsan diyè en sikandin ikepemula te meupiya he tanà, he zuen duen dekelà he wahig he ebpekeveǥey kandin te meupiya he tuvù, wey ebpekepeveǥas, wey ebpekeveǥey kandin te kekempet.

Ezekiel 19:10

“Is iney nu neiring daan te paras he impemula ziyà te kilid te wahig. Mahabet is menge subpang kayi wey menge veǥas din su ebpekesupsup man te wahig.

Ezekiel 31:5

Mibmetawis heini he kayu lavew te zuma he menge kayu ziyà te ketelunan. Midezekelà wey mibmerapung is menge subpang kayi tenged duen te zekelà he wahig.

Ezekiel 47:12

Edtuvù diyà te pesikilizà duen te wahig he edtudà is nekedseselekawà he menge kayu he ebpemeǥas. Kenà egkeǥangu is menge zahun dan wey kenà egkaamin is menge veǥas dan. Ebpemeǥas heini kada vulan su edtudaan man duen te wahig he ebpuun diyà te valey te Nengazen. Egkekaan is menge veǥas dan ne igkevawi is menge zahun dan.”

Numero 24:6

Iring heini te nezalandalan he menge palma, wey menge pemuleey ziyà te kilid te wahig. Iring daan heini te kayu he aloe he impemula te Nengazen, wey te menge kayu he sidru ziyà te kilid te menge wahig.

Deuteronomio 28:8

Edtuvazan te Nengazen he Megbevayè niw is langun he menge vaal niw ne ebpenuen din te menge abut niw is menge budiga niw. Edtuvazan kew zin dutun te tanà he ibeǥey zin keniyu.