Salmo 1:2 - Manobo Western Bukidnon OT

² Kekenà, iyan mulà kandin he igkelipey is kedtuman te menge penurù te Nengazen, ne iyan heini ebpurungan din egngunngunua te maandew wey te mezukilem.

Salmo 1:2 교차 참조

Genesis 24:63

Duen timpu zutun ne malù en merusirem, migawas sikandin te valey ne midriǥuriǥu. Duen nepantew zin he kemilyu he ebpelingguma.

Ezra 7:10

Midtevangan sikandin te Megbevayà su ǥeina te impehinungud din is keugelingen din pinaaǥi te ked-istudyu wey kedtuman te Kesuǥuan te Nengazen, wey kebpenurù te menge sulunuzen wey menge suǥù din diyà te menge Israilihanen.

Job 23:12

Layun ku edtumana is suǥù din, wey edtipiǥan ku heini kayi te ǥehinawa ku.

Salmo 104:34

Berakat he igkelipey zin is kebpurunga ku ked-is-isipa kayi te langun. Igkelipey ku is Nengazen.

Salmo 112:1

Deliǥa is Nengazen! Utew zeyzey is etew he edtahud te Nengazen, wey igkelipey zin is kedtuman te menge suǥù din.

Salmo 119:1

Utew zeyzey is menge etew he wazà igkesawey kandan, wey nengungubpaan he ed-ikul te kesuǥuan te Nengazen.

Salmo 119:11

Edtipiǥan ku kayi te ǥehinawa ku is menge lalag nu, su wey a kenà mekesalà diyà te kenikew.

Salmo 119:35

Giyahi a te kedsunud te menge suǥù nu, su igkelipey ku heini.

Salmo 119:72

Para kediey, is kesuǥuan he imbeǥey nu edhuna pa he mahal te utew zekelà he ketiǥeyunan.

Salmo 119:92

Emun wazà mekeveǥey kedì te kelipey is kesuǥuan nu, ne minatey ad pezem geina tenged te menge elentusen ku.

Salmo 40:8

Megbevayè ku, igkelipey ku is kedtuman te egkesuatan nu. Edtipiǥan ku ziyà te ǥehinawa ku is menge kesuǥuan nu.”

Salmo 88:1

Nengazen, iyan ka Megbevayà he menluluwas ku. Ed-umawen ku sikew te maandew wey mezukilem.

Jeremias 15:16

Hein nekidlalag ka kedì nemineg a kenikew. Is menge lalag nu iyan ebpekelipey kedì ne migkaǥi ka he ǥaked a kenikew, he Nengazen he Megbevayà he Mekeǥeǥehem.

Josue 1:8

Kenè nu lipati te ebasa is Libru te Kesuǥuan. Ne purungi nu ngunngunua maandew wey mezukilem su para metueni nu ke ebmenmenuwen te edtuman is langun he ingkesurat kayi. Su pinaaǥi kayi ebmeuswaǥen ka wey ebmelempusen.