Salmo 1:1 - Manobo Western Bukidnon OT

¹ Deyzey is etew he kenà ebpemineg te penurù te menge lalung, wey kenà ed-iring te ebeelan te menge mekesesalà, wey kenà ebpekiduma kandan he ed-undaunda te Megbevayà.

Salmo 1:1 교차 참조

Genesis 49:6

Kenà a edtampu etawa edtelavuk te menge kevurunan niw su tenged te kegkepauk niw ne ebpenhimetayan niw is menge etew, ne emun meupiya is gehinawa niw ne ebpiangan niw is menge vaka.

1 Hadì 16:31

Ne kurang pa ziyà te kandin is ked-iring te menge salà he mibeelan ni Jeroboam, kekenà, mid-esawa zin si Jezebel he anak ni Hadì Etbaal he tig-Sidon, ne nenilbi sikandin wey mid-azap te ed-ezapen he si Baal.

2 Cronica 22:3

Iyan daan midsunud ni Ahazia is mid-ulaula te pemilya ni Ahab, su mid-iniyat sikandin te iney zin te kebaal te mezaat.

Job 10:3

Ingkelipey nu ve is kebpeentusa nu kedì? Maan is idselikwey a kenikew is keugelingen nu he vineelan, ne ebpeburan nu mulà is pelanu te kebpendezaat te menge mezaat he etew?

Job 21:16

Piru is tutuu, is ked-uswag dan ne kenà tenged te keugelingen dan he kedhaǥù. Umbe kenè ku ebpemineǥen is sambag kayi te lalung he menge etew.

Job 31:5

Emun midtarùtarù a wey nenlimbung a,

Salmo 1:6

Su egiyahan te Nengazen is menge metazeng, piru is menge ulaula te menge lalung iyan ed-uwit kandan diyà te kezeetan.

Salmo 106:3

Utew zeyzey is etew he ebaal te hustu wey metazeng seled te langun he timpu.

Salmo 112:1

Deliǥa is Nengazen! Utew zeyzey is etew he edtahud te Nengazen, wey igkelipey zin is kedtuman te menge suǥù din.

Salmo 119:115

Sikiyu is mezaat is menge vaal, pekeziyui a keniyu, su wey ku metuman is menge suǥù te Megbevayè ku.

Salmo 144:15

Utew zeysey is menge etew he egkeiring kayi is ked-ubpè dan. Deyzey is menge etew he nekekilala wey midtuu te tutuu he Megbevayà he Nengazen.

Salmo 146:5

Utew zeyzey is etew he iyan edtavang kandin kes Megbevayà he ed-ezapen ni Jacob, ne iyan edseriǥan din is Nengazen he Megbevayè din,

Salmo 146:9

ebentayan din is menge langyew, edtevangan din is menge ilu wey menge valu he vahi, iyan, ebengkaǥen din mulà is paaǥi te menge lalung.

Salmo 2:12

Tehuza niw is hadì he mibpilì din, su emun kenà, ne egkepeukan kew zin ne edèdeetan kew zin. Deyzey is langun he ed-aput diyà te Nengazen.

Salmo 26:12

Guntaan netuenan ku he kenè e en egkemenu, umbe, edeliǥen ku sikew Nengazen diyà te ketiǥuman te menge etew nu.

Salmo 34:8

Gezami niw wey niw metueni ke sengemenu keupiya is Nengazen. Utew zeyzey is etew he midsarig te pengalang te Nengazen kandin.

Salmo 36:4

Minsan edhidhizeǥà sikandin ne ebpelanu sikandin te mezaat. Dekelà is gehinawa zin te kebaal te kenà meupiya, ne kenè din id-awà diyà te isip din is kebaal te mezaat.

Salmo 64:2

Iyan ka metau he kenà medlampus is mezaat he planu kedì te grupu te menge lalung.

Salmo 81:12

Umbe, mibpesagdan ku sikiyu te kebmesinupaken niw, ne mibeelan niw is egkesuatan niw.

Salmo 84:12

Nengazen he Mekeǥeǥehem, utew zeyzey is edsarig diyà te kenikew.

Erubasa 1:15

Mama, kenè ka zuma te menge etew he iring dutun, kekenà, likayi nu sikandan.

Erubasa 1:22

“Sikiyu is menge wazè din hanew, taman te taman en be he iring kew keniyan? Sikiyu is menge mesudì, taman te taman en be is kegkelipey niw te kedsudì? Sikiyu is menge tulebung, taman te taman en be he kenè kew egkesuat he mebmetau?

Erubasa 13:15

Edtehuzen is etew he meupiya is ked-isip-isip din. Piru is etew he kenà edtuman te hustu, ne iring sikandin te ed-ikul ziyà te zalan he vetuwen.

Erubasa 13:20

Is etew he uluwanen layun ebpekiduma te iring din he uluwanen, iyan, ebpekebmereǥen mulà is etew he layun ebpekiduma te tulebung.

Erubasa 19:29

Ebmultahan is etew he sumpalit ne ebuǥelen is egkeengey-engey.

Erubasa 2:12

ne iyan ebpekepelikey kenikew te mezaat he ebeelan wey te menge etew he egkaǥi te sayep.

Erubasa 3:34

Edsudien din is menge mesudì, ne edtuvazan din is kenà mepelevawen.

Erubasa 4:19

Ne is kebpengungubpaan mulà te menge etew he mezaat is menge ulaula zan, igkepetug-iring te utew merusirem, ne kenè dan egketuenan ke hengkey is hinungdan te kegkezeeti kandan.

Erubasa 9:12

Emun uluwanen ka, ne ebpekeveǥey kenikew te keupiyaanan, piru emun edsudien nu is ketau, ibpaantus nu zà is gehinawa nu.

Jeremias 15:17

Wazà a medtampu te kedlipeylipey wey kegkebibu te zuma. Mibpimpinuu a he midsebsevaha su netuenan ku is menge paaǥi nu ne midhimu nu he utew ku igkererengiti is kelelalung dan.

Jeremias 17:7

Piru deyzey mulà is etew he edsarig kedì, he kayi te kedì is perateng din.

Ezekiel 20:18

Dutun te sibsivayan migkeǥiyan ku is menge anak dan te, “Kenè niw iringi is menge sulunuzen wey menge mibeelan te menge ginikanan niw, ne kenè niw remeriki is keugelingen niw pinaaǥi te ked-azap te zuma he menge ed-ezapen.

Deuteronomio 14:6

Egkehimu he egkeenen niw is minsan hengkey he langgam he netevì is sulu zan wey ed-umanan dan edsepaa is kinaan dan.

Deuteronomio 33:29

Utew kew zeyzey is menge etew te Israel! Wazà iring keniyu su iyan kew menge etew he midlibri te Nengazen. Is Nengazen iyan ebpengalang wey edtavang keniyu, ne iyan sikandin ebpekidtebek para keniyu. Ebpenanap is menge kuntada niw pehendiyà te keniyu, ne edtekutakan niw is menge peka zan.”