Ruth 3:2 - Manobo Western Bukidnon OT

² Egketenuzan nu ve si Boaz is megeget he kezuzumahi ta, he nehimu he zuma nu te kedterebahu is suluǥuen din he vahi. Ne netuenan ta he ǥuntaan te mezukilem diyà sikandin te egunasan din su ebpemalid te barli.

Ruth 3:2 교차 참조

Genesis 50:10

Ne hein nekeuma sikandan diyà te ǥunasà diyà te Atad he uvey te Wahig he Jordan, ne midlalew sikandan para ki Jacob, ne utew subra is kedlelendag dan. Ne midlalew si Jose seled te pitu he andew.

Ruth 2:1

Duen ipag ni Naomi he si Boaz. Sepian si Boaz wey edlingahaan te menge etew zutun. Ne id-aǥew sikandin ni Elimelek, sikan is esawa ni Naomi.

Ruth 2:8

Ne zutun migkaǥi si Boaz diyà te ki Ruth te, “Bayi, pemineg ka te sambag ku kenikew. Kayi ke zà pekirarew te neipusan kayi te menge suluǥuen ku he vahi. Kenè ka awà kayi ne kenè ka zaan pekirarew ziyà te selakew he perayan.

Ruth 3:1

Ne sevaha he andew, migkaǥi si Naomi ziyà te ki Ruth. Ke sikandin te, “Egkesuatan ku he meesawa ka para zuen ebpekeuyamu kenikew.

Ruth 3:3

Umbe, pemeziǥù ka, wey ǥamit ka te menge pehemut wey bivisti ka te meupiya ne tupang ka zutun te egunasan. Iyan, kenè ka zèpa paahà kandin emun kenè pa ebpekepasad sikandin he ed-inum wey egkaan.