Numero 9:22 - Manobo Western Bukidnon OT

²² Emun kenà ed-awà haazà is gapun diyà te zivavew zuen te tulda seled te zezuwa he andew etawa senge vulan etawa senge tuig, kenà daan ed-awà is menge Israilihanen diyà te kampu zan, iyan, emun ebpezivavew haazà is gapun ne segugunè dan egenat.

Numero 9:22 교차 참조

Salmo 107:7

Impenurù din kandan is dalan he ebpekediritsu zuen te inged he zuen duen menge meǥinged.

Salmo 143:10

Ipenurù nu kedì is paaǥi te kedtuman te egkesuatan nu, su iyan ke man Megbevayè ku. Berakat he is hihizuwen he Mulin-ulin nu iyan megiya kedì pehendiyà te dezeyaan he kebpekesavuk.

Salmo 32:8

Nengazen, migkaǥi ka kayi te kedì te, “Ibpenurù ku kenikew is dalan he zait he ed-ikulen nu. Ne zutun te kebentayi ku kenikew ne edsembaǥan ku sikew.

Salmo 48:14

he is Megbevayà he edsilbiyan tew ǥuntaan iyan kes Megbevayè tew te wazà pidtemanan. Iyan sikandin egiya kenitew te wazà pidtemanan.

Salmo 73:24

Egiyahan a kenikew pinaaǥi te menge sambag nu, ne ziyà te egkehuziyanan ed-uwiten a kenikew ziyà te utew meupiya he kebpekesavuk.

Salmo 77:20

Migiyahan nu is menge etew nu he iring te menge kerehidu, pinaaǥi ki Moises wey ki Aaron.

Exodus 39:42

Mibeelan te menge Israilihanen is langun he terebahu he insuǥù te Nengazen diyà te ki Moises.

Exodus 40:16

Ne mibeelan ni Moises haazà is langun he insuǥù te Nengazen kandin.

Numero 1:54

Mibeelan heini is langun te menge Israilihanen sumalà te insuǥù te Nengazen ki Moises.

Numero 8:20

Umbe, mibeelan eni Moises, Aaron, wey te tivuuk he keet-etawan te Israel is insuǥù te Nengazen ki Moises he ebeelan diyà te menge kevuwazan ni Levi.

Numero 9:17

Ne emun ebpeketikang sikan is gapun diyà te zivavew zuen te Tulda ne egenat heini, ne egenat daan is menge Israilihanen, ne ke hendei ebpundu haazà is gapun ne zutun dan daan egkampu.

Numero 9:21

Usahay sengekezukileman dà is kenà ked-awà duen te ǥapun, ne sunud he andew ne ebpeketikang en heini, ne egenat en daan is menge Israilihanen. Maandew etawa mezukilem egenat is menge Israilihanen basta ebpezivavew haazà is gapun.