21 Usahay sengekezukileman dà is kenà ked-awà duen te ǥapun, ne sunud he andew ne ebpeketikang en heini, ne egenat en daan is menge Israilihanen. Maandew etawa mezukilem egenat is menge Israilihanen basta ebpezivavew haazà is gapun.
Emun maandew egiyahan nu sikandan pinaaǥi te mekepal he ǥapun he egkeiring te tukud, ne emun mezukilem pinaaǥi te regreg he egkeiring te tukud, su para meteyawi is ibayè dan.
Piru tenged te zekelà he hizu nu kandan, wazè nu sikandan bey-ani ziyà te sibsivayan. Wazè nu iawà sikan is mekepal he ǥapun he egiya kandan emun maandew, wey sikan is regreg he edtayew te edhipenawan dan emun mezukilem.
Duen timpu he egkepipira zà he andew is kenà ked-awà duen te ǥapun diyà te zivavew zuen te tulda ne egkepipira zà daan he andew is kenè dan kebpekeǥenat. Ne edhipanew en maan sikandan sumalà te idsuǥù te Nengazen.
Emun kenà ed-awà haazà is gapun diyà te zivavew zuen te tulda seled te zezuwa he andew etawa senge vulan etawa senge tuig, kenà daan ed-awà is menge Israilihanen diyà te kampu zan, iyan, emun ebpezivavew haazà is gapun ne segugunè dan egenat.
