Numero 9:17 - Manobo Western Bukidnon OT

¹⁷ Ne emun ebpeketikang sikan is gapun diyà te zivavew zuen te Tulda ne egenat heini, ne egenat daan is menge Israilihanen, ne ke hendei ebpundu haazà is gapun ne zutun dan daan egkampu.

Numero 9:17 교차 참조

Salmo 32:8

Nengazen, migkaǥi ka kayi te kedì te, “Ibpenurù ku kenikew is dalan he zait he ed-ikulen nu. Ne zutun te kebentayi ku kenikew ne edsembaǥan ku sikew.

Salmo 73:24

Egiyahan a kenikew pinaaǥi te menge sambag nu, ne ziyà te egkehuziyanan ed-uwiten a kenikew ziyà te utew meupiya he kebpekesavuk.

Exodus 17:1

Sumalà te suǥù te Nengazen, mid-awà is tivuuk he keet-etawan te Israel ziyà te sibsivayan he Sin ne midlaus dan te kedhipanew zan. Neketulung en sikandan mekahalinhalin taman te nekeuma zan diyà te sevaha he lugar. Ne ziyè dan megkampu te Refidim, piru wazà wahig he egkeinum diyà.

Isaias 49:10

Kenà sikandan egkevitil wey egkemezahan. Kenà ebpekekaid kandan is keinit te andew wey meinit he keramag diyà te disirtu. Su siak is hihizuwen, egiyahan ku sikandan diyà te menge teheb.

Numero 9:22

Emun kenà ed-awà haazà is gapun diyà te zivavew zuen te tulda seled te zezuwa he andew etawa senge vulan etawa senge tuig, kenà daan ed-awà is menge Israilihanen diyà te kampu zan, iyan, emun ebpezivavew haazà is gapun ne segugunè dan egenat.