Numero 9:15 - Manobo Western Bukidnon OT

¹⁵ Hein andew te kebenguna zuen te Tulda he Ed-ezapan he zutun itaǥù sikan is Kesuǥuan, neliǥuy heini te ǥapun. Puun te mezukilem taman te meselem, heini he ǥapun henduen be te hapuy he ed-anlag.

Numero 9:15 교차 참조

Nehemias 9:12

Emun maandew egiyahan nu sikandan pinaaǥi te mekepal he ǥapun he egkeiring te tukud, ne emun mezukilem pinaaǥi te regreg he egkeiring te tukud, su para meteyawi is ibayè dan.

Nehemias 9:19

Piru tenged te zekelà he hizu nu kandan, wazè nu sikandan bey-ani ziyà te sibsivayan. Wazè nu iawà sikan is mekepal he ǥapun he egiya kandan emun maandew, wey sikan is regreg he edtayew te edhipenawan dan emun mezukilem.

Salmo 105:39

Dutun te timpu te kedhipanew te menge tig-Israel, midsavuk is Megbevayà te ǥapun su para melembungi sikandan wey hapuy he ebpeketayew kandan emun mezukilem.

Salmo 78:14

Emun maandew, egiyahan din sikandan pinaaǥi te ǥapun, ne te mezukilem, ne pinaaǥi te kerayag te hapuy.

Exodus 13:21

Emun maandew zutun te kedhipanew zan egiyahan sikandan te Nengazen. Ebpetelihuna kandan sikandin pinaaǥi te mekepal he ǥapun he egkeiring te tukud diyà te egkehunaan dan; ne emun mezukilem, ne pinaaǥi maan te regreg he egkeiring te tukud diyà te egkehunaan dan. Ne iyan haazà ebpeketeyew kandan umbe ebpekehimu sikandan he edhipanew te maandew wey mezukilem.

Exodus 13:22

Emun maandew kenà ed-awà diyà te egkehunaan dan sikan is mekepal he ǥapun he iring te tukud, ne emun mezukilem kenà ed-awà diyà te egkehunaan dan sikan is regreg he iring te tukud.

Exodus 14:24

Ne hein meǥaan en egkepawà dutun he kezukileman nememantew is Nengazen puun duen te mekepal he ǥapun wey regreg he iring te tukud, mibpantew zin is menge sundaru he Ehiptohanen ne mibpengelintuwan din he mengeliveg sikandan.

Exodus 40:2

“Dutun te egkehuna he andew te egkehuna he vulan te tuig, ne ipelastar niw en heeyan is Tulda he Ed-ezapan, he egngezanan daan he Tulda he Edtelevukaayan.

Exodus 40:34

Ne hein nepasad heini is langun netembunan te ǥapun sikan is Tulda he Edtelevukaayan he tuus te zutun is Nengazen.

Exodus 40:35

Ne tenged dutun kenà si Moises ebpekeseled dutun te Tulda.

Exodus 40:38

Sikan is gapun he simbulu he zutun is Nengazen he kenà ed-awà diyà te zivavew zuen te Tulda emun maandew, ne emun mezukilem duen dutun hapuy he ǥapun su para maahà heini te langun he Israilihanen dutun te kedhipanew zan.

Isaias 4:5

Ne ebaal is Nengazen te ǥapun he ebpekelambung te Jerusalem wey te mid-amur-amur zutun. Wey ebaal zaan sikandin te edriyubriyub he hapuy he ebpeketeyew emun mezukilem. Epeketambun heini te Jerusalem iring te meluag he tulda.

Numero 10:34

Emun maandew, ziyà sikan is gapun te Nengazen te zivavew zan te edhipanew.

Numero 14:14

Emun edèdeetan nu heini is menge etew nu, edtudtulen dan heini ziyà te menge meǥinged te Canaan. Ne heini is menge Canaanhen, nezineg dan en daan he iyan ka is Nengazen nekiduma te menge Israilihanen he mibpaahà pinaaǥi te ǥapun he egiya kandan. Edhuna ka kandan emun maandew pinaaǥi te ǥapun he henduen te tukud, ne emun mezukilem pinaaǥi te hapuy he henduen daan te tukud.

Numero 17:7

Insavuk ni Moises haazà is langun he tuked diyà te etuvangan te Nengazen diyà te Tulda he midsevukan te Kesuǥuan.