Numero 9:14 - Manobo Western Bukidnon OT

¹⁴ “Emun duen kenà Israilihanen he mid-amur ziyà te inged niw he egkesuat he edsilibra te Pista te Kedlavey te Belinsuǥuen, kinahanglan he edsilibrahan din heini he ed-ikul zuen te langun he menge sulunuzen mehitenged kayi. Neked-iring dà is menge sulunuzen he para te menge Israilihanen wey te kenà menge Israilihanen.”

Numero 9:14 교차 참조

Ezra 6:21

Heini he menge pemuhat migkaan te langun he menge Israilihanen he nemen-ulì puun te kegkevihag wey te zuma he menge etew he mid-ubpà dutun he mid-engked en he ebaal te menge ebeelan te menge etew he wazà mekekilala te Megbevayà te Israel.

Exodus 12:43

Migkaǥi is Nengazen diyà te ki Moises wey ki Aaron te, “Iyan heini menge sulunuzen mehitenged te Pista te Kedlavey te Belinsuǥuen: “Dutun te kedsilibra, kenè niw ipekaan is lumelengyawà.

Exodus 12:47

Kinahanglan he edsilibrahan heini te tivuuk he keet-etawan te Israel.

Leviticus 19:10

Iring ded dutun is beeli niw ziyà te pemuleey niw te paras, kenè niw en likui wey kuwaa is nengeulug. Teǥaka niw en heeyan para te menge pubri wey te menge lumelengyawà. Iyan a kes Nengazen he Megbevayè niw.

Leviticus 22:25

Ne kenè kew zaan mebpemasa te iring keniyan he kelasi te uyaǥen diyà te menge lumelengyawà te ibpemuhat niw kayi te kedì, su kenè ku heeyan edewaten.

Leviticus 24:22

Heini he velaud ne para keniyu te langun, he tutuu he Israilihanen etawa kenà. Iyan a kes Nengazen he Megbevayè niw.”

Leviticus 25:15

Kinahanglan he is bali te tanà ibasi ziyà te nesamà he menge tuig he zutun ebpekeraǥun pa is nemasa su kenè pa egkeuma is Tuig te Kebeǥey te Bayàbayà wey Ked-ulì te menge azen.

Numero 15:15

Sikiyu is menge Israilihanen wey kenà menge Israilihanen he mid-ubpà duma keniyu ne neked-iring dà kayi te etuvangan ku, ne neked-iring dà he kesuǥuan is edtumanen niw. Heini he sulunuzen kinahanglan he tumana niw taman te huziyan he lapis te menge kevuwazan.

Numero 15:16

Uya, neked-iring dà he menge suǥù wey menge sulunuzen is kinahanglan he edtumanen niw te menge Israilihanen wey is kenà menge Israilihanen he mid-ubpà duma keniyu.”

Deuteronomio 29:11

is menge esawa niw wey menge anak niw, wey is kenà menge Israilihanen he mid-ubpà duma keniyu he perepengayu niw wey peresekezu.

Deuteronomio 31:12

Tiǥuma niw is menge etew: menge maama, menge vahi, menge vatà, wey is kenà menge Israilihanen he zuma niw he meǥinged su para mekepemineg sikandan su wey zan mekeistudyu te kedtahud te Nengazen he Megbevayè niw ne wey zan mapurungi te edtuman is langun he ibpetuman kayi he menge suǥù.