Numero 8:26 - Manobo Western Bukidnon OT

²⁶ Egkehimu pa sikandan he ed-uǥup te menge zuma zan he menge Levihanen pinaaǥi te kebantey zuen te Tulda, piru kenè dan en mebaal te menge vuluhaten dutun te Tulda. Iyan heeyan menge ketengdanan te menge kevuwazan ni Levi he ipetuman nu kandan.”

Numero 8:26 교차 참조

1 Cronica 23:32

Umbe, midhimu te menge Levihanen is ketengdanan dan te ked-etiman duen te Tulda he Edtelevukaayan wey zuen te Segradu he Lugar, wey te ked-uǥup te menge kezuzumahi zan he menge memumuhat he kevuwazan ni Aaron te kebpenilbi zutun te valey te Nengazen.

Ezekiel 44:11

Egkehimu he ebpenilbi sikandan diyà te valey ku pinaaǥi te kebantey te ǥemawan wey kedlapà te menge pemuhat he edtutungen wey zuma pa he menge ibpemuhat te menge etew. Wey egkehimu ke ebpenilbi sikandan te menge etew ziyà te valey ku.

Ezekiel 44:8

Iyan kew man pezem ereg he edumala te segradu he menge azen ku ziyà te valey ku, ne selakew is impezumala niw.

Numero 1:53

Piru is menge kevuwazan ni Levi, kinahanglan he ziyà megkampu te ebpekeliǥuy zuen te Tulda he midteǥuan te Kesuǥuan, su wey ku kenà mepeuki is menge etew te Israel. Ketengdanan te menge kevuwazan ni Levi is ked-atur zuen te Tulda.”

Numero 18:4

Edtavang sikandan kenikew, ne kandan he ketengdanan is ked-atur zuen te Tulda he Edtelevukaayan wey is kebaal te langun he vuluhaten kayi. Piru kinahanglan he wazà minsan hentei he ed-uǥup keniyu he kenà kevuwazan ni Levi.

Numero 3:32

Is pengulu te menge kevuwazan ni Levi iyan si Eleazar he anak ni Aaron he memumuhat. Iyan sikandin mibpilì he edumala zuen te menge etew he insarig kandan is ked-atur zuen te Tulda.

Numero 31:30

Ne zutun te menge vahin te menge Israilihanen he wazà mebpekidtebek, is kada 50 terini nu te sevaha is binihag he menge etew, menge vaka, menge asnu, menge kerehidu, wey menge kambing etawa zuma he kelasi te menge uyaǥen. Ne iveǥey nu heini ziyà te menge Levihanen he ketengdanan dan is ked-atur zuen te Tulda te Nengazen!”

Numero 8:25

ne ed-engked dan he ebpenilbi emun 50 en is penuiǥen dan.