Bilanga nu zaan is langun he maama kandan he is penuiǥen dan 30 pehendiyà te 50 he tuig, he ebpekehimu te kebaal te menge vuluhaten diyà te Tulda he Edtelevukaayan.
“Iyan heini menge sulunuzen para te menge kevuwazan ni Levi: Ebpuun ebpenilbi is menge kevuwazan ni Levi ziyà te Tulda he Edtelevukaayan emun 25 en is penuiǥen dan,
Egkehimu pa sikandan he ed-uǥup te menge zuma zan he menge Levihanen pinaaǥi te kebantey zuen te Tulda, piru kenè dan en mebaal te menge vuluhaten dutun te Tulda. Iyan heeyan menge ketengdanan te menge kevuwazan ni Levi he ipetuman nu kandan.”
