Numero 8:19 - Manobo Western Bukidnon OT

¹⁹ Diyà te langun he menge Israilihanen, iyan is menge kevuwazan ni Levi mibpilì ku he ebpekeuǥup ki Aaron wey te menge anak din. Ebpenilbi sikandan diyà te Tulda he Edtelevukaayan para te menge Israilihanen, ne iyan sikandan ebaal te menge tulumanen he para mevelukasi is salà te menge Israilihanen, su para wazà kezeetan he egkehitavù kandan emun ed-uvey zan duen te Tulda he Edtelevukaayan.”

Numero 8:19 교차 참조

Exodus 12:50

Midtuman te langun he menge Israilihanen is insuǥù te Nengazen diyà te ki Moises wey ki Aaron.

Numero 1:50

Kekenà, iveǥey kandan he ketengdanan is kedumala zuen te Tulda he Ed-ezapan he zutun itaǥù sikan is Kesuǥuan, wey is langun he ǥelemiten kayi. Iyan sikandan ed-uwit dutun te Tulda wey te langun he ǥelemiten kayi. Kinahanglan he ed-etimanen dan heini, ne kinahanglan he ziyè dan megkampu te ebpekeliǥuy kayi.

Numero 1:53

Piru is menge kevuwazan ni Levi, kinahanglan he ziyà megkampu te ebpekeliǥuy zuen te Tulda he midteǥuan te Kesuǥuan, su wey ku kenà mepeuki is menge etew te Israel. Ketengdanan te menge kevuwazan ni Levi is ked-atur zuen te Tulda.”

Numero 16:46

Ne migkeǥiyan ni Moises si Aaron te, “Kuwaa nu is teleǥuey nu te veyewà ne teǥui nu te veyewà wey vaǥa he ebpuun diyà te pemuhatà. Ne gaanggaan ka hendiyà te menge etew ne veeli nu is tulumanen su wey zan mevelukasi te menge salè dan, su nepauk en is Nengazen ne ebpuun en is limas.”

Numero 8:18

Ne migkuwa ku is menge kevuwazan ni Levi he ilis te langun he kinekekayan he menge maama te menge Israilihanen.

Numero 8:20

Umbe, mibeelan eni Moises, Aaron, wey te tivuuk he keet-etawan te Israel is insuǥù te Nengazen ki Moises he ebeelan diyà te menge kevuwazan ni Levi.

1 Samuel 6:19

Duen 70 he tig-Bet Shemesh he midhimetayan te Megbevayà su mid-ehè dan kes seled dutun te Kavan te Nengazen. Inlalew te menge meǥinged haazà is utew mesakit he silut kandan te Nengazen.