Numero 6:26 - Manobo Western Bukidnon OT

²⁶ Berakat he purungi kew te Nengazen ne veǥayi kew zin te meupiya he kebpekesavuk.’

Numero 6:26 교차 참조

Salmo 29:11

Edlig-enan te Nengazen is menge etew zin, ne ebeǥayan din sikandan te meupiya he kebpekesavuk.

Salmo 37:37

Ne ahaa nu purungi is etew he wazà duen igkesawey he ebpengungubpaan te hustu wey melinew. Duen din mulà meupiya he egkepaabut.

Salmo 4:6

Mahabet is egkaǥi te, “Nengazen kehizuwi key; iyan ka metau he uzara key. Ipeehè nu is keupiya nu kenami!”

Salmo 42:5

Piru kenà a ereg he egkeseeng wey egkeǥiyaǥiya. Ereg a he edsarig kenikew. Uya, ed-umanan ku sikew edeliǥa, is menluluwas wey Megbevayè ku.

Salmo 44:3

Piru iyan tutuu is, kenà pinaaǥi te ǥumaan wey ketau te kebpekidtebek is ingkeengkena te menge kepuun dey kayi he tanà, kekenà, tenged te ǥehem nu, ebilidad nu, wey hizu nu kandan tenged te kebmahala nu kandan.

Salmo 89:15

Nengazen, utew zeyzey is menge etew he nemekesaǥad te melipayen he ked-ugyab tenged kenikew, wey nengungubpaan tenged te hizu nu.

Isaias 26:12

“Nengazen, beǥayi key te meupiya he kebpkesavuk. Su is langun he nehimu zey nehimu zey tenged te tavang nu.

Isaias 26:3

“Ebeǥayan nu, Nengazen te kelinew he wazè din kurang is etew he iyan ka zekelà diyà te isip din, su midsarig sikandin kenikew.

Isaias 57:19

Ne zutun ebpekezalig dan kedì. Ebeǥayan ku sikandan te meupiya he kebpekesavuk, ke ziyè dan man te meziyù etawa ziyè dà te uvey. Ebewian ku sikandan wey zan meulii. Iyan a, is Nengazen, is migkaǥi kayi.

Micas 5:5

Ebeǥayan din te meupiya he kebpekesavuk is menge etew zin. Emun edsurung is menge tig-Asiria kayi te tanè tew wey edselezan dan is melig-en he menge vahin te inged tew, ebpekidtebek kiw kandan he ebpurungan ebpenguluwi te menge pengulu tew.