Numero 6:23 - Manobo Western Bukidnon OT

²³ “Keǥiyi nu si Aaron wey is menge anak din he maama te iyan heini keǥiya zan emun ebpenubtuvazan dan is menge Israilihanen:

Numero 6:23 교차 참조

Genesis 24:60

Mibpenubtuvazan dan si Rebeka zutun te kegenat din. Ke sikandan te, “Sikew is etevey zey, berakat he liblibuwen is menge kevuwazan nu. Berakat daan he mezaag te menge kevuwazan nu is menge kuntada zan.”

Genesis 47:10

Ne zutun, mibpenubtuvazan en maan ni Jacob haazà is hadì ne mid-ewaan din.

Genesis 47:7

Ne impeetuvang daan ni Jose is amey zin he si Jacob ne impekilala zin dutun te hadì, ne mibpenubtuvazan ni Jacob haazà is hadì.

Genesis 48:20

Umbe midhimu zin he lavew si Efraim ki Manase. Ne zutun he andew, mibpenubtuvazan din sikandan he egkaǥi te, “Egemiten te menge Israilihanen is menge ngazan niw te kebpenuvadtuvad. He egkaǥi te, ‘Berakat he tuvazi kew te Megbevayà he iring ki Efraim wey ki Manase.’ ”

1 Hadì 8:55

Pinaaǥi te mezaǥing he kegkaǥi mibpenubtuvazan din is tivuuk he keet-etawan te Israel. Ke sikandin te,

1 Cronica 23:13

Is menge anak ni Amram he menge maama, ne iyan si Aaron wey si Moises. Insivey si Aaron wey is menge kevuwazan din he para te kebpehinungud te menge segradu he menge vutang, te kebpemuhat te menge pemuhat diyà te Nengazen, te kebpenilbi kandin, wey kebpenuvadtuvad te menge etew pinaaǥi te ngazan te Nengazen. Iyan heini ketengdanan dan taman en te taman.

2 Cronica 30:27

Ne zutun midhitindeg is menge memumuhat wey menge Levihanen ne mibpenubtuvazan dan is menge etew. Ne mibpemineg heini te Megbevayà he ziyà te segradu he ubpeey zin diyà te langit.

Exodus 39:43

Ne mibpurungan susiya ni Moises is minsan hengkey zutun, ne neehè din he sungkad is kegkeveeli te langun dutun te insuǥù te Nengazen. Umbe mibpenubtuvazan sikandan ni Moises.

Numero 6:22

Migkaǥi is Nengazen diyà te ki Moises te,

Deuteronomio 10:8

Dutun he timpu mibpilì te Nengazen is tribu ni Levi he iyan ibpeuwit duen te Kavan te Kebpekid-uyun te Nengazen kandan, wey ebaal te vuluhaten diyà te etuvangan din, wey ebpenuvadtuvad te menge etew pinaaǥi te ngazan din. Ne taman en guntaan ne iyan heini buluhaten dan.

Deuteronomio 21:5

Kinahanglan daan he edhendutun sikan is menge memumuhat he menge kevuwazan ni Levi, su mibpilì sikandan te Nengazen he Megbevayè niw he para ebpenilbi wey ebpenuvadtuvad pinaaǥi te ngazan te Nengazen, wey te kedhusey te langun he samuk.

Deuteronomio 33:1

Iyan heini menge lalag ni Moises te suluǥuen te Megbevayà hein mibpenubtuvazan din is menge Israilihanen dutun te wazè pa sikandin mebpatey.

Josue 8:33

Is langun he menge Israilihanen, duma te menge pengulu zan, menge upisyal, wey is menge zatù ragkes is kenà menge Israilihanen he zuma zan he meǥinged midhitindeg he ebpesinsineruwà. Ne ziyà medhitindeg te teliwazè dan is menge memumuhat (he menge kevuwazan ni Aaron) he mibinting duen te Kavan te Kebpekid-uyun kandan te Nengazen. Is ketengà kayi te menge etew, ne ed-iniyuǥan dan is Buntud he Gerizim ne is sevaha he ketengà, ne ed-iniyuǥan dan is Buntud he Ebal. Si Moises he suluǥuen te Nengazen is midsuǥù kandan te kebaal kayi emun egkeume en is timpu te kedewata zan te kebpenubtuvazi kandan.