Numero 6:20 - Manobo Western Bukidnon OT

²⁰ Ne egkuwaan duen te memumuhat haazà ne ibayew zin diyà te etuvangan te Nengazen su pemuhat haazà he ibayew. Segradu heini he vahin te pemuhat, ne ǥaked en heini te memumuhat, ragkes is kumeng wey vuvun duen te kerehidu he imbayew zaan diyà te Nengazen. Ne kegkepasad kayi egkehimu en he ed-inum te vinu haazà is Nazareo.

Numero 6:20 교차 참조

Megwewali 9:7

Megkaan ka wey med-inum ka te vinu he melipayen, su intuǥut heini te Megbevayà.

Isaias 25:6

Kayi te Buvungan he Zion, ebpengandam is Nengazen he Mekeǥeǥehem te sevaha he keemuran te para te langun he menge etew. Ne zutun metaam he menge keenen wey menge inumen is id-andam din.

Isaias 35:10

Heini is menge nevelukasan te Nengazen edlikù sikandan diyà te Jerusalem is ebpemenganta. Melipayen dan layun; egkaawè en is menge seeng dan wey menge kegkerasey zan.

Leviticus 10:15

Emun ebpemuhat is menge Israilihanen, ne ipemuhat dan is kumeng wey is buvun te uyaǥen ragkes is menge tavà he ibpemuhat dan he pemuhat pinaaǥi te hapuy. Ne is kumeng wey is buvun ne ivayew zan diyà te etuvangan te Nengazen he pemuhat he ibayew. Iyan heini vahin nu wey te menge anak nu taman te taman, sumalà te insuǥù te Nengazen.”

Leviticus 7:30

Heini he pemuhat, ne uwita zuen te ebpemuhat diyà te pemuhatà. Uwita zin is tavà wey is kumeng duen te uyaǥen, ne ivayew zin sikan is kumeng diyà te etuvangan te Nengazen su pemuhat he ibayew.

Leviticus 7:31

Edtutungen duen te memumuhat sikan is tavà diyà te pemuhatà, piru sikan is kumeng, ne ǥaked en ni Aaron wey te menge kevuwazan din he menge memumuhat.

Leviticus 7:32

Is kewanan he vuvun duen te uyaǥen ne ibeǥey ziyà te memumuhat he nemuhat te lengesa wey tavà kayi.

Leviticus 7:34

Ibeǥey te Nengazen is kumeng wey is buvun te pemuhat niw ziyà te menge memumuhat he si Aaron wey is menge kevuwazan din. Iyan heini vahin he edewaten dan diyà te keniyu taman te taman.

Leviticus 9:21

Sumalà te insuǥù ni Moises, imbayew ni Aaron is menge kumeng wey is kewanan he menge vuvun duen te menge uyaǥen su pemuhat haazà he ibayew.

Zacarias 10:7

Is menge etew te Israel, egkeiring sikandan te mezesen he menge sundaru. Ebmelipayen sikandan he iring te etew he nekeinum te vinu. Egketenuzan te menge kevuwazan dan heini he kezeeǥan ne egkelipey zan tenged te mibeelan ku.

Zacarias 9:15

Ebpengelangan te Nengazen he Mekeǥeǥehem is menge etew zin. Bà dan dà edtekutaki is menge vatu he idlempawes kandan te menge kuntada zan. Egkaan dan wey ed-inum dan te kedsilibra te kezeeǥan dan. Ed-ugyab sikandan he henduen be te egkengelangut. Egkepenù is getek dan te inumen iring te yehung he egkepenù te lengesa he ibpirik diyà te purù te menge suyuk te pemuhata.

Numero 18:18

Keniyu is usa kayi, iring te kumeng wey kewanan he vuvun te pemuhat he ibayew he keniyu zaan.

Numero 5:25

Ne egkuwaan duen te memumuhat puun te velad dutun te vahi sikan is pemuhat he para gasa he pemuhat para te kebpengelikud te esawa zin, ne ibayew heini zutun te memumuhat diyà te etuvangan ku, ne ed-uwiten din diyà te pemuhatà.

Numero 6:21

“Iyan heini sulunuzen he para te sevaha he Nazareo. Piru emun edsaad is sevaha he Nazareo he ebpemuhat sikandin diyà te Nengazen he ebpesubrahan din is ibpetuman kandin he penaad he egkehimu he Nazareo, kinahanglan he edtumanen din heini.”