Numero 6:2 - Manobo Western Bukidnon OT

² “Keǥiya nu ziyà te menge Israilihanen he emun duen bahi etawa maama he edhimu te ispisyal he penaad he ibpehinungud din is keugelingen din kayi te kedì pinaaǥi te kedhimuwa zin kayi he Nazareo,

Numero 6:2 교차 참조

Exodus 33:16

Is kedumahi nu kenami iyan igketueni te zuma he menge etew he nekepenunuat kenikew is menge etew wey siaken. Is kebpekiduma nu kenami iyan ibpekeviza zey te zuma he menge etew kayi te tanà.”

Erubasa 18:1

Is etew he kenà ebpekid-emiǥu ne iyan dà ed-isipen din is kandin he keupiyaanan, ne edsupaken din is hustu he ed-isipen te zuma.

Jeremias 35:6

Piru midtavak sikandan te, “Kenè key ed-inum te vinu. Is kepuun dey he si Jonadab he anak ni Recab mibmandù kenami wey te menge kevuwazan dey he kenè key iyan ed-inum te vinu.

Leviticus 20:26

pengungubpaan kew he segradu su siak is Nengazen, waǥas a. Ne midhimu ku sikiyu he segradu puun te zuma he menge nasyun su wey kew mehimu he kediey.

Leviticus 27:2

he keǥiya zin heini ziyà te menge Israilihanen: Emun is sevaha he etew inhalad diyà te Nengazen su ingkepenaad he idhalad, heeyan he penaad

Numero 30:3

“Emun duen betan-en he vahi he ziyà gihapun ed-ubpa te ed-ubpaan te amey zin he ebpenaad etawa ebpenangdù te kebaal etawa kenà kebaal te vaal he midtendek din,

Numero 6:1

Migkaǥi is Nengazen diyà te ki Moises te,

Zatù 13:14

Kenà sikandin megkaan te minsan hengkey he ebpuun diyà te paras. Kenà daan sikandin med-inum te vinu etawa minsan hengkey he klasi te inumen he ebpekelangut wey kenà megkaan te minsan hengkey he keenen he ed-isipen he meremerik. Kinahanglan he edsunuzen din is langun he migkaǥi ku ziyà te kandin.”

Zatù 13:4

Ne ǥuntaan, pekevantey ka. Kenè ke en inum te vinu wey minsan hengkey he kelasi te inumen he ebpekelangut wey kenè ka kaan te minsan hengkey he keenen he ed-isipen he meremerik.

Zatù 13:5

Emun id-anak en is anak nu, kenè nu tempezi is bulvul zin su puun te ked-enaka kandin ibpeveyveyaan en sikandin te Megbevayà he sevaha he Nazareo. Ne edlibriyen din is Israel puun te ǥehem te menge Filistihanen.”

Zatù 16:17

Umbe, migkaǥi zin en duen te vahi is tutuu. Ke sikandin te, “Wazà meǥuntingi is bulvul ku minsan kesevaha. Minsan hein ikeǥingey e pa, mibpeveyveyaan ad te Megbevayà pinaaǥi te kedhimuwa kedì he Nazareo. Umbe emun egkeǥuntingan is bulvul ku, egkeiring dà is desen ku te zesen te zuma he menge etew.”

1 Samuel 1:28

Umbe, guntaan idhalad ku sikandin diyà te Nengazen, wey mekepenilbi sikandin te Nengazen seled te tivuuk he untung din.” Ne zutun midsimba zan is Nengazen.