Numero 6:16 - Manobo Western Bukidnon OT

¹⁶ “Iyan is memumuhat ebpemuhat kayi ziyà te etuvangan te Nengazen: Ibpemuhat din is pemuhat he para idlumpiyu wey is pemuhat he edtutungen.

Numero 6:16 교차 참조

Numero 6:15

Ne liyu zutun, mebpemuhat daan sikandin te menge pemuhat he para gasa, pemuhat he inumen, wey senge vaskit he supas he wazè din tapey he iyan ebeelan is meupiya he kelasi te herina. Is duma he supas, ne ebpekekepalen ne edsehuǥan te lana ne is duma pa ebpekenipisen he edezasan te lana.

Numero 6:17

Ne ibpemuhat din daan is meemahan he kerehidu he pemuhat he para te meupiya he kedepità duma zuen te senge vaskit he supas he wazè din tapey. Ne ibpemuhat din daan sikan is menge pemuhat he para gasa wey is pemuhat he inumen.

Numero 8:12

“Ne idampà te menge kevuwazan ni Levi is menge velad dan diyà te ulu zuen te zezuwa he turiti he vaka he para kedì. Is sevaha zutun, pemuhat he para idlumpiyu, ne is sevaha pa, pemuhat he edtutungen, su wey zan mevelukasi te menge salè dan.