Numero 6:15 - Manobo Western Bukidnon OT

¹⁵ Ne liyu zutun, mebpemuhat daan sikandin te menge pemuhat he para gasa, pemuhat he inumen, wey senge vaskit he supas he wazè din tapey he iyan ebeelan is meupiya he kelasi te herina. Is duma he supas, ne ebpekekepalen ne edsehuǥan te lana ne is duma pa ebpekenipisen he edezasan te lana.

Numero 6:15 교차 참조

Exodus 29:2

Kuwa ka te kinemeupiyahan he herina te trigu, ne veeli nu he supas, iyan, kenè nu tepayi; baal ka zaan te mamun he ed-emutan te lana he ulibu, ne vaal ke zaan te kenà mulà ed-emutan te lana, is duma zutun ebpekenipisen nu ne edezasan nu te lana.

Isaias 62:9

Sikiyu is edraǥun te trigu, ne iyan kew ebpekekaan dutun te rinaǥun niw, ne edeliǥen a keniyu. Sikiyu is ebpenrupù te menge paras ne iyan kew ed-inum te wahig dutun diyà te valey ku.”

Joel 1:13

Sikiyu is menge memumuhat he ebpenilbi ziyà te pemuhatà he para te Megbevayè ku, bivisti kew te saku ne hendiyè kew te valey te Nengazen ne sineǥew kew seled te tivuuk he kezukileman. Su wazè en menge trigu wey menge vinu he igkepemuhat diyà te valey te Megbevayè niw.

Joel 1:9

Su wazè en trigu wey vinu he igkepemuhat diyà te valey te Nengazen; umbe edlalew is menge memumuhat he ebpenilbi te Nengazen.

Joel 2:14

Ne kela ke mahalin is isip te Nengazen he Megbevayè niw ne edtuvazan din is menge sebpet niw, su wey kew mekepemuhat en diyà te kandin te menge trigu wey vinu.

Leviticus 2:4

Emun duen ebpemuhat te supas he midhilutù diyà te evuwan he pemuhat he para gasa, kinahanglan he iyan egemiten din is kineupiyahan he kelasi te herina he wazà tepayi. Egkehimu he ibpemuhat is mekepal he supas he midsehuǥan te lana etawa menipis he supas he midezasan te lana.

Leviticus 7:12

Emun ebpemuhat is etew te pemuhat para te meupiya he kedepità su ebpeselematan din is Nengazen, ne perisi zin heini te supas. Med-uwit sikandin te supas he wazè din tapey iring te supas he mekepal he midsehuǥan te lana, supas he menipis he midezasan te lana, wey supas he iyan mibeelan is meupiya he kelasi te herina he midsehuǥan te lana.

Leviticus 8:2

“Ipehendiyè nu si Aaron wey sikan is menge anak din he maama te ǥemawan te Tulda he Edtelevukaayan, ne tiǥuma nu ziyà is langun he menge Israilihanen. Ipeuwit nu is menge visti he para te menge memumuhat, is lana he para te idlana, is tudu he vaka he pemuhat he para idlumpiyu, is dezuwa he meemahan he menge kerehidu, wey is revan he midteǥuan te menge supas he wazè din tapey.”

Leviticus 9:4

Megkuwa zaan sikandan te vaka wey meemahan he kerehidu he pemuhat dan para te meupiya he kebpekidepità. Ipemuhat dan heini zuma zuen te pemuhat he para gasa he midsehuǥan te lana, su ǥuntaan he andew ibpaahà te Nengazen is kebpekiduma zin keniyu.”

Numero 15:10

Edlepikan pa heini te pemuhat he inumen he zezuwa he litru he vinu. Is kehemut kayi he pemuhat te pinaaǥi te hapuy ne ebpekepenunuat kedì.

Numero 6:16

“Iyan is memumuhat ebpemuhat kayi ziyà te etuvangan te Nengazen: Ibpemuhat din is pemuhat he para idlumpiyu wey is pemuhat he edtutungen.