Numero 5:27 - Manobo Western Bukidnon OT

²⁷ Emun tutuu he midremerikan din is keugelingen din pinaaǥi te kedluivi zin te esawa zin, ne haazà is wahig he neinum din, ebpekeuwit diyà te kandin te rawak he utew zin igkerasey. Kenè en sikandin ebpekaanak, ne egkehimu sikandin he petug-iring te etew he edrewakan te Megbevayà.

Numero 5:27 교차 참조

Salmo 109:18

Neleyaman din en is kebpenrawak te zuma; iring en heini te visti he imbivisti zin. Berakat he medlikù diyà te kandin is rawak din meiring te wahig he edreheb diyà te lawa zin wey meiring te lana he edsenep diyà te menge tulan din.

Megwewali 7:26

Nesusi ku he is meungangen he vahi ne mepait pa te kemetayen. Is arig din ne iring te litag, wey is menge velad din he igkepkep din kenikew ne iring te kedina. Ebpekelikey kandin is ebpenunuat te Megbevayà, iyan, egkelitag din mulà is mekesesalà.

Isaias 65:15

Egemiten te menge pinilì ku is ngazan niw emun ebpenrawak dan, ne siak, is Nengazen he MEGBEVAYÀ, iyan a edhimatey keniyu. Piru is menge suluǥuen ku egngezanan ku te veǥu he ngazan.

Jeremias 24:9

Edhimuwen ku he ebpendemisan sikandan diyà te langun he ginhedian kayi te kelibutan. Edsudien sikandan wey ed-un-undahan wey ebpenrewakan diyà te langun he lugar he edsegseǥan ku kandan.

Jeremias 29:18

Uya, edlislisezen ku sikandan pinaaǥi te tebek, bitil, wey zaru, ne egkahandek is langun he menge ginhedian tenged te egkehitavù kandan. Edsegseǥen ku sikandan pehendiyà te zuma he menge nasyun ne zutun sikandan ebpenrewaki, edsudien, wey ed-un-undahan.

Jeremias 29:22

Heini is egkehitavù kandan egemiten te menge tig-Juda he mibihag diyà te Babilonia emun ebpenrawak dan te zuma. Egkaǥi zan te, ‘Berakat he himetayi ka te Nengazen iring ki Zedekia wey ki Ahab he intavun te hadì te Babilonia.’

Jeremias 42:18

“Migkaǥi pa is Nengazen he Mekeǥeǥehem, he Megbevayà te Israel te, ‘Iring te impeseǥazan ku te menge etew ziyà te Jerusalem is rimeǥas te utew ku kegkepauk, ibpeseǥazan ku zaan heini keniyu emun edhendiyè kew te Ehipto. Edrewakan kew wey egkelimezangan is menge etew tenged keniyu. Ed-un-undahan kew zan wey edsudien, ne kenè kew en ebpekelikù diyà te tanè niw.’

Jeremias 44:12

Sikiyu is menge tig-Juda he nesamà he uuyag he migaanggaan medhengkayi su wey mekeubpà kayi te Ehipto. Ebpatey kew is langun puun te kinemevevaan pehendiyà te kinetikangan is ked-etew zin. Uya, ebpematey kew kayi pinaaǥi te tebek wey vitil kayi te Ehipto. Edrewakan kew wey egkelimezangan is menge etew tenged keniyu. Ed-un-undahan kew zan wey edsudien.

Zacarias 8:13

Sikiyu is menge etew te Juda wey Israel, midrewakan kew te menge etew ziyà te zuma he menge nasyun. Piru edlibriyen ku sikiyu ne egkehimu kew he tuvad diyà te kandan. Umbe kenè kew mahandek, kekenà, pekelig-en kew.”

Numero 5:20

Iyan, emun midremerikan nu is keugelingen nu pinaaǥi te kebpehilavet te maama he kenè nu esawa,

Numero 5:28

Iyan, emun wazè din remeriki is keugelingen din, kenà sikandin ed-utengan kayi ne ebpekaanak sikandin.

Deuteronomio 28:37

Igkelimezangi kew, edhimuwen kew he peǥuseyanà, wey edsusudien kew te menge meǥinged diyà te menge nasyun he ebihag keniyu.