Numero 5:23 - Manobo Western Bukidnon OT

²³ “Ne kegkekapasad dutun, idsurat duen te memumuhat heini he menge rawak diyà te para te edsuratan ne ebpenasen din pinaaǥi te kedtereva kayi zuen te wahig he mepait he intaǥù diyà te ziniyun.

Numero 5:23 교차 참조

Job 31:35

“Emun duen pezem ebpemineg kedì! Guntaan, andam a he ebpirma te kemetuuzan he wazè ku salà. Emun duen igkesumbunga kedì te Mekeǥeǥehem he Megbevayà, egkesuat a he keǥiya zin kedì, ne emun kenà ne isurat din.

Salmo 51:1

He Megbevayè ku, kehizuwi a kenikew tenged te kebmahala nu kedì. Iawè nu is menge salè ku tenged te zekelà he hizu nu kedì.

Salmo 51:9

Iawè nu is menge salè ku; penasa nu is langun he kelelalung ku.

Exodus 17:14

Ne migkaǥi is Nengazen diyà te ki Moises te, “Isurat nu heini zuen te libru para kenà heini melipati ne ipehibelu nu heini ki Josue: Edezeetan ku is menge Amalikanhen.”

Isaias 43:25

“Iyan a mismu mid-awà te menge salè nu su para meveǥayi a te zengeg, ne kenè ku en heini edtentenuzan.

Isaias 44:22

Id-awè ku en is menge salè nu iring te kivel etawa gapun. He Israel, likù ka kayi te kedì, su edlibriyen ku sikew.”

Numero 5:22

Berakat he heini is wahig he ed-uwit te rawak, edreneb diyà te lawa nu su wey ka kenè en mekaanak.’ Ne edtavak haazà is bahi te, ‘Uya, uyun a keniyan.’

Numero 5:24

Ne ibpeinum din dutun te vahi haazà is mepait he wahig he ed-uwit te rawak, su para mekaantus sikandin te utew merasey he egkeuwit dutun emun tutuu he nekesalà sikandin.

Deuteronomio 31:19

“Umbe isurat nu heini he kanta ne ipenurù nu ziyà te menge Israilihanen. Ipekanta nu heini kandan su para mehimu heini he tistiǥus ku kuntra kandan.