Numero 4:6 - Manobo Western Bukidnon OT

⁶ Ne kegkepasad dutun, ed-umanan dan pa heini edtembuni te meupiya he kelasi he lundis wey manggad he meitem is kaavuavu zin, ne idtaud dan is menge tival kayi.

Numero 4:6 교차 참조

Exodus 25:10

“Pevaal ka te Kavan, iyan niw veeli is kayu he ekasya, ne haazà, 45 he vaney is kelayat din, 27 he vaney is keluag din, ne 27 he vaney is ketikang din.

Exodus 35:19

wey is mekempet wey segradu he menge visti he para te memumuhat he si Aaron wey te menge anak din he maama he ibivisti zan emun ebpemuhat dan duen te Segradu he Lugar.”

Exodus 39:1

Midtahì ensi Bezalel te segradu he menge visti he para te menge memumuhat sumalà te insuǥù te Nengazen ki Moises. Is manggad he migamit dan welin he meitem is kaavuavu zin, merudtem wey kanggan. Iyan daan heini klasi te manggad he migamit dan hein mibeelan dan te visti si Aaron.

Exodus 39:41

wey is mekempet wey segradu he menge visti he para te memumuhat he si Aaron wey te menge anak din he menge maama, he ibivisti zan emun ebpemuhat dan duen te Segradu he Lugar.

Numero 4:14

Ne isavuk dan kayi te pemuhatà is langun he ǥelemiten para kayi: is menge selevukà te vaǥa, is dezekelà he menge tinidur he para te usa, is menge pala, wey is menge yehung. Ne tembuni zan heini te meupiya he kelasi he lundis, ne itaud dan is menge tival kayi.

Numero 4:25

menge kurtina zuen te Tulda he Ed-ezapan, (egngezanan daan te Tulda he Edtelevukaayan), is langun he menge tambun he para idtambun kayi, wey is menge kurtina te ǥemawan,

Deuteronomio 31:9

Insurat ni Moises heini he menge suǥù ne imbeǥey zin diyà te menge memumuhat he menge kevuwazan ni Levi, he iyan ed-uwit duen te Kavan te Kebpekid-uyun te Nengazen, wey ziyà te langun he ebpemendumala te Israel.