Numero 4:33 - Manobo Western Bukidnon OT

³³ Iyan heeyan menge vuluhaten te menge kevuwazan ni Merari ziyà te Tulda he Edtelevukaayan. Dizalem sikandan te kedumala ni Itamar he anak ni Aaron he memumuhat.”

Numero 4:33 교차 참조

Exodus 38:21

Iyan heini menge himan he neǥamit te kebpehitindeǥa zuen te Tulda he Ed-ezapan he zutun itaǥù sikan is Kesuǥuan. Heini is menge himan, inlista te menge kevuwazan ni Levi sumalà te suǥù ni Moises. Heini he vuluhaten, iyan midumala zuen si Itamar he anak ni Aaron he memumuhat.

Isaias 3:6

Dutun he timpu ebeyaan te sevaha he etew is kezuzumahi zin ne egkeǥiyan din te, “Tenged te meupiya pa is bisti nu, ne iyan ke en pengulu kenami kayi te timpu he nevengkag is lugar tew.” Piru egkaǥi haazà te, “Kenè ku sikiyu egketevangan. Wazè man ganì egkekaan wey igkevisti te pemilya ku, umbe kena a keniyu himuwa he pengulu.”

Numero 4:28

Iyan heeyan menge vuluhaten te menge kevuwazan ni Gershon diyà te Tulda he Edtelevukaayan. Dizalem sikandan te kedumala ni Itamar he anak ni Aaron he memumuhat.”

Numero 4:32

Iyan daan sikandan ed-uwit te menge tukud he edteuzan te menge kurtina he ibpeliǥuy zuen te Tulda, wey menge pundasyun kayi, menge palpal wey menge hiket. Kandan he vaal is langun he menge vuluhaten he egkeǥemitan kayi he menge gelemiten. Iyan kew ki Aaron kaǥi ziyà te kada sevaha kandan ke hengkey is kinahanglan he ed-uwiten dan.

Numero 4:34

Tenged te kedtuman te insuǥù te Nengazen, midsinsus eni Moises, Aaron, wey te menge pengulu te Israel is menge kevuwazan ni Kohat, ni Gershon, wey ni Merari; midsinsus is kada kezuzumahi wey is menge pemilya zutun. Inlista zan is langun he menge maama kandan he is penuiǥen dan 30 pehendiyà te 50 he tuig he ebpekehimu te menge vuluhaten diyà te Tulda he Edtelevukaayan, ne iyan heini kahabet dan: Pemilya; Kahabet Kohat; 2,750 Gershon; 2,630 Merari; 3,200 Is tivuuk he kahabet dan, 8,580 langun.

Numero 7:8

Imbeǥey zin is heepat he kerumata wey walu he vaka ziyà te menge kevuwazan ni Merari he para te vuluhaten dan. Iyan heini sikandan is langun ebpenguluwan ni Itamar he anak ni Aaron he memumuhat.

Josue 3:6

Ne migkeǥiyan daan ni Josue is menge memumuhat te, “Uwita niw en is Kavan te Kebpekid-uyun ne huna kew zutun te menge etew.” Ne midtuman dan haazà is migkaǥi ni Josue.