Numero 4:19 - Manobo Western Bukidnon OT

¹⁹ Iyan heini veeli niw para kenà sikandan mebpematey emun ed-uvey sikandan duen te utew segradu he menge vutang: Kinahanglan he eduma kandan si Aaron wey is menge anak din emun edseled dan duen te Tulda ne egkeǥiyen diyà te kandan ke hengkey is ereg he ebeelan dan wey kinahanglan he ed-uwiten dan.

Numero 4:19 교차 참조

2 Samuel 6:6

Hein nekeuma zan duen te ǥunasà ni Nacon, migewezan ni Uza haazà is Kavan te Kebpekid-uyun te Megbevayà, su nekezulas is menge vaka.

Exodus 19:21

ne migkeǥiyan sikandin te Nengazen te, “Tupangi nu is menge etew ne petizeeni nu sikandan he kenè dan medrapas duen te taltal zuen te nekepeliǥuy zuen te vuntud su ed-ahaan ku. Su emun ebeelan dan heini, mahabet kandan is ebpatey.

Numero 1:51

Emun idhalin haazà is Tulda, iyan sikandan ebaal kayi, ne emun ed-umanan ebenguna heini, ne iyan dan gihapun ebangun kayi. Ne is minsan hentei he kenà kevuwazan ni Levi he ebaal kayi he vuluhaten, ne edhimetayan.

Numero 18:3

Edterabahu sikandan he zizalem te kedumala nu, ne veeli zan is langun he vuluhaten duen te Tulda, piru kinahanglan he kenà sikandan medhilavet te segradu he menge gelemiten duen te Tulda etawa pemuhatà, su emun ebeelan dan haazà ne ebpemematey zan ne ragkes kew pa.

Numero 4:15

“Emun egkepasad en ni Aaron wey te menge anak din te edtambun sikan is Tulda he Edtelevukaayan wey is langun he menge gelemiten kayi, ne edtivalen heini te menge kevuwazan ni Kohat dutun te timpu te ked-awè niw puun te kampu niw. Piru kinahanglan he kenè dan semsama heini is segradu he menge vutang su wey zan kenà mebpatey. “Iyan haazà sikan is menge gelemiten duen te Tulda he Edtelevukaayan he ed-uwiten te menge kevuwazan ni Kohat.

Numero 4:18

“Kenè niw pesegdana he mepuew is kevuwazan ni Kohat puun te menge Levihanen.