Numero 4:15 - Manobo Western Bukidnon OT

¹⁵ “Emun egkepasad en ni Aaron wey te menge anak din te edtambun sikan is Tulda he Edtelevukaayan wey is langun he menge gelemiten kayi, ne edtivalen heini te menge kevuwazan ni Kohat dutun te timpu te ked-awè niw puun te kampu niw. Piru kinahanglan he kenè dan semsama heini is segradu he menge vutang su wey zan kenà mebpatey. “Iyan haazà sikan is menge gelemiten duen te Tulda he Edtelevukaayan he ed-uwiten te menge kevuwazan ni Kohat.

Numero 4:15 교차 참조

2 Samuel 15:24

Ne ziyà daan kes menge memumuhat he si Zadok wey si Abiatar wey kes menge Levihanen he mid-uwit duen te Kavan te Kebpekid-uyun te Megbevayà. Diyè dan isavuk haazà is Kavan te Kebpekid-uyun te kilid te zalan ne nemuhat si Abiatar taman te nekaawà is menge sakup ni David dutun te inged.

2 Samuel 6:13

Hein keheenem en mekelangkad haazà is mid-uwit dutun te Kavan te Nengazen, impeteren sikandan ni David su nemuhat sikandin te sevaha he tudu he vaka wey sevaha he impelambù he turiti he vaka.

1 Hadì 8:3

Hein nevurun en is langun he menge edumala te Israel, ne migkuwa zuen te menge memumuhat wey menge Levihanen kes Kavan te Nengazen, ragkes en kes Tulda he Edtelevukaayan wey kes menge segradu he menge gelemiten kayi, ne mid-uwit dan heini langun petekezeg diyà te valey te Nengazen.

1 Cronica 15:15

Mibinting te menge Levihanen haazà is Kavan te Kebpekid-uyun te Megbevayà sumalà te insuǥù te Nengazen ki Moises.

1 Cronica 15:2

Migkaǥi si David, “Wazà minsan hentei he ebpekeuwit te Kavan te Kebpekid-uyun te Megbevayà gawas te menge Levihanen, su iyan sikandan mibpilì te Nengazen he ibpeuwit te Kavan te Nengazen wey ebpenilbi ziyà te etuvangan din taman te taman.”

1 Cronica 23:26

Umbe, kenè en kinahanglan he ed-uwiten pa te menge Levihanen sikan is Tulda he Ed-ezapan wey is menge ǥelemiten dutun.”

Exodus 19:12

Teltali niw is peliǥuy kayi te vuntud te edtemanan te menge etew. Keǥiyi nu sikandan he kenè dan medtekezeg etawa med-uvey zutun te lugtenaan dutun te vuntud. Is minsan hentei he ed-uvey kayi te vuntud ne edhimetayan,

Exodus 19:21

ne migkeǥiyan sikandin te Nengazen te, “Tupangi nu is menge etew ne petizeeni nu sikandan he kenè dan medrapas duen te taltal zuen te nekepeliǥuy zuen te vuntud su ed-ahaan ku. Su emun ebeelan dan heini, mahabet kandan is ebpatey.

Exodus 27:7

Ne haazà is menge tival zuen niw idluglug te mibpen-iring te rintì he ziyà te pesikilizà dutun te pemuhatà su iyan haazà idtival zutun te pemuhatà emun ed-uwiten.

Leviticus 16:13

Ne ziyà te etuvangan te Nengazen, idsavuk din haazà is beyewà duen te hapuy, ne is evel kayi ebpekeeneb duen te tambun te Kavan te Kebpekid-uyun, umbe kenà sikandin ebpatey.

Numero 1:50

Kekenà, iveǥey kandan he ketengdanan is kedumala zuen te Tulda he Ed-ezapan he zutun itaǥù sikan is Kesuǥuan, wey is langun he ǥelemiten kayi. Iyan sikandan ed-uwit dutun te Tulda wey te langun he ǥelemiten kayi. Kinahanglan he ed-etimanen dan heini, ne kinahanglan he ziyè dan megkampu te ebpekeliǥuy kayi.

Numero 1:51

Emun idhalin haazà is Tulda, iyan sikandan ebaal kayi, ne emun ed-umanan ebenguna heini, ne iyan dan gihapun ebangun kayi. Ne is minsan hentei he kenà kevuwazan ni Levi he ebaal kayi he vuluhaten, ne edhimetayan.

Numero 10:21

Ne midtinundug kandan is menge kevuwazan ni Kohat he ed-uwit te segradu he menge gelemiten duen te Tulda he Ed-ezapan. Kinahanglan he igkepelastar en sikan is Tulda te kenè pa sikandan ebpekeuma ziyà te lugar he egkempuwan dan.

Numero 18:3

Edterabahu sikandan he zizalem te kedumala nu, ne veeli zan is langun he vuluhaten duen te Tulda, piru kinahanglan he kenà sikandan medhilavet te segradu he menge gelemiten duen te Tulda etawa pemuhatà, su emun ebeelan dan haazà ne ebpemematey zan ne ragkes kew pa.

Numero 3:38

Si Moises wey si Aaron wey is menge anak din, ne ziyè dan megkampu zapit te egkesineruwan duen te Tulda he Edtelevukaayan he zapit te edsilaan. Iyan sikandan midseriǥan te kedumala te menge vuluhaten duen te Tulda he para te menge Israilihanen. Is minsan hentei he ebaal te vuluhaten te memumuhat dutun te Tulda he kenà kevuwazan ni Levi ereg he edhimetayan.

Numero 4:14

Ne isavuk dan kayi te pemuhatà is langun he ǥelemiten para kayi: is menge selevukà te vaǥa, is dezekelà he menge tinidur he para te usa, is menge pala, wey is menge yehung. Ne tembuni zan heini te meupiya he kelasi he lundis, ne itaud dan is menge tival kayi.

Numero 4:19

Iyan heini veeli niw para kenà sikandan mebpematey emun ed-uvey sikandan duen te utew segradu he menge vutang: Kinahanglan he eduma kandan si Aaron wey is menge anak din emun edseled dan duen te Tulda ne egkeǥiyen diyà te kandan ke hengkey is ereg he ebeelan dan wey kinahanglan he ed-uwiten dan.

Numero 4:20

Su emun kenà sikandan edumahan, kenè dan medseled te ked-ahà te segradu he menge vutang minsan meǥaan dà, su wey zan kenà mebpatey.”

Numero 7:9

Piru wazà mulà beǥayi ni Moises te kerumata etawa vaka is menge kevuwazan ni Kohat su iyan sikandan midseriǥan te kedtiang duen te segradu he menge vutang duen te Tulda.

Deuteronomio 31:9

Insurat ni Moises heini he menge suǥù ne imbeǥey zin diyà te menge memumuhat he menge kevuwazan ni Levi, he iyan ed-uwit duen te Kavan te Kebpekid-uyun te Nengazen, wey ziyà te langun he ebpemendumala te Israel.

Josue 4:10

Wazà med-engked he edhitindeg diyà te teliwazà duen te wahig is menge memumuhat taman te netuman te menge etew is langun he insuǥù te Nengazen ki Josue, he iyan ded sikan is insuǥù ni Moises ki Josue. Migaanggaan medlayun is menge etew.

1 Samuel 6:19

Duen 70 he tig-Bet Shemesh he midhimetayan te Megbevayà su mid-ehè dan kes seled dutun te Kavan te Nengazen. Inlalew te menge meǥinged haazà is utew mesakit he silut kandan te Nengazen.