Numero 36:2 - Manobo Western Bukidnon OT

² Ne ke sikandan te, “Datù, hein mibmandù kenikew is Nengazen te kebahin duen te tanà he egkepengevilin te menge Israilihanen pinaaǥi te ripa, mibmandù daan sikandin he iveǥey is bahin te suled dey he si Zelofehad diyà te menge anak din he vahi.

Numero 36:2 교차 참조

Job 42:15

Ne wazà bahi he iring kandan kekempet dutun te inged dan. Ne in-iring ni Job is menge azen he imbeǥey zin kandan he egkepengevilin dan te egkepengevilin te menge meemahan dan.

Numero 33:54

Behina niw haazà he tanà pinaaǥi te ripa he ibpesikad diyà te kezakel te kada tribu. Is tribu he mezakel ebehinan te zekelà, ne is tribu he zeisey ebehinan te zeisey. Is egkevunutan dan iyan en egkehimu he vahin dan. Pinaaǥi kayi egkevahin haazà is tanà diyà te kada tribu.

Numero 36:3

Ne penenglitan ke ebpeesawa sikandan te ebpuun diyà te selakew en he tribu, ne tenged dutun is tanè dan egkaangken en te tribu he ebpekeesawa kandan, ne tenged kayi egketerinan is tanà he vahin te tribu zey.

Josue 13:6

Ragkes daan is menge vuvungan puun te Lebanon taman te Misrefot Maim he ǥaked te menge Sidunhanen. “Emun edsurung kew en, iyan a ebpenguney edsegseg te menge meǥinged keniyan he menge lugar. Sigureduwa nu he mevahin heini he menge tanà diyà te menge Israilihanen su wey zan mepengevilin, sumalà te insuǥù ku kenikew.