Numero 34:2 - Manobo Western Bukidnon OT

² “Keǥiyi nu is menge Israilihanen he emun edseled dan en diyà te Canaan, iyan heini dulunà te tanà he egkepengevilin dan:

Numero 34:2 교차 참조

Genesis 10:19

Is dulunà te menge tanè dan diyà te zivavà, puun te Sidon pehendiyà te Gerar ne nekeuma heini ziyà te Gasa. Is dulunà diyà te edsilaan nekeuma ziyà te Sodom, Gomora, Adma, wey Zeboyim taman te Lasha.

Genesis 17:8

Ne is tivuuk kayi he tanà te Canaan he mid-ubpaan nu ǥuntaan te lumelengyawà, ibeǥey ku heini kenikew wey ziyà te menge kevuwazan nu. Egkeangken niw heini te taman te taman, ne pedayun he iyan a Megbevayè niw.”

Salmo 105:11

Migkaǥi sikandin diyà te kada sevaha kandan te, “Ibeǥey ku kenikew is tanà he Canaan ne egkepengevilin nu heini wey te menge kevuwazan nu.”

Exodus 23:31

“Is egketemanan te tanà he ibpaangken ku keniyu ne ebpuun diyà te Zaǥat he Meriǥà pehendiyà te Zaǥat he Mediteraneo, wey ebpuun te disirtu pehendiyà te Wahig he Eufrates. Ebpengelinteuwan ku he mezaag niw is menge etew he ed-ubpà keniyan he tanà su wey niw sikandan mesegseg.

Jeremias 3:19

Iyan a mismu migkaǥi te, ‘Utew a melipayen pezem he egkilelaan ku sikiyu he menge anak ku ne ebeǥayan ku sikiyu te meupiya he tanà he kinemeupiyahan he kevilin kayi te tivuuk he kelibutan.’ Kunaan ku ke ‘Amey’ is id-umew niw kedì ne kenà ad keniyu ed-ewaan.

Ezekiel 47:13

Migkaǥi is Nengazen he MEGBEVAYÀ te, “Iyan heini menge zulunà te tanà he ebehinen niw ziyà te 12 he menge tribu te Israel he egkepengevilin dan. Beǥayi niw te zezuwa he vahin is tribu ni Jose.

Ezekiel 47:14

Kinahanglan he ped-iiringa niw te ebahin is tanà, su nenangdù a ziyà te menge kepuun niw he ibeǥey ku heini kandan ne egkehimu heini he kevilin niw.

Numero 34:1

Migkeǥiyan te Nengazen si Moises te,

Josue 11:23

Umbe, migkuwa ni Josue heini is tivuuk he tanà su iyan heini insuǥù te Nengazen diyà te ki Moises. Impemeǥey zin heini he tanà diyà te menge Israilihanen su wey zan mepengevilin. Ne mibehinan dutun is kada tribu. Ne zutun mibmelinew en haazà is tanà.

Josue 13:1

Hein utew en meǥurang si Josue, migkaǥi is Nengazen diyà te kandin te, “Meǥurang ke en utew, ne mahabet pa he menge tanà is kinahanglan he ed-eǥawen.

Josue 21:43

Iyan heini paaǥi te kebeǥaya te Nengazen diyà te Israel duen te tanà he impenaad din diyà te menge kepuun dan. Ne hein nekuwa zan en heini ne zutun en sikandan med-ubpà.