Numero 33:53 - Manobo Western Bukidnon OT

⁵³ Engkena niw wey ubpai niw haazà he tanà su ibeǥey ku en haazà keniyu.

Numero 33:53 교차 참조

Genesis 15:7

Ne zutun migkaǥi is Nengazen te, “Iyan a sikan is Nengazen . Umbe impehendini ku sikew he ebpuun te inged he Ur te menge Kildiyanhen su wey ku ikeveǥey kenikew heini is tanà wey nu maangken.”

Salmo 115:16

Gaked dà te Nengazen is langit piru imbeǥey zin mulà te menusiyà is kelibutan.

Daniel 4:17

Iyan heini hukum he migkaǥi te menge velinsuǥuen su para metueni te langun he is Utew Lavew he Megbevayà, duen din gehem diyà te menge ginhedian te menge etew. Ne egkehimu ke edhimuwen din sikandan he sakup te minsan hentei he egkesuatan din he mehimu he egalen, minsan pa ke haazà is etew iyan en kineminusan te langun he menge etew.

Daniel 4:25

Edsegseǥen ka pehendiyà te meziyù te menge etew ne ed-amur ka te leew he menge langgam. Ne egkeiring ka te vaka su ebpenabtab ka te sagbet wey layun ka egkahames te zehemug. Ne kegketapus te pitu he tuig, ne egkilelaan nu he is Utew Lavew he Megbevayà, duen din gehem diyà te menge ginhedian te menge etew ne egkehimu ke edhimuwen din sikandan he sakup te minsan hentei he egkesuatan din he mehimu he egalen dan.

Daniel 4:32

Edsegseǥen ka pehendiyà te meziyù te menge etew ne ed-amur ka te leew he menge langgam. Ne egkeiring ka te vaka su ebpenabtab ka te sagbet. Ne kegketapus te pitu he tuig, egkilelaan nu he is Utew Lavew he Megbevayà, duen din gehem diyà te menge ginhedian te menge etew ne egkehimu ke edhimuwen din sikandan he sakup te minsan hentei he egkesuatan din he mehimu he egalen dan.”

Deuteronomio 11:31

Edlayun kew en te Jordan te kedseled wey ked-angken duen te tanà he ibeǥey te Nengazen he Megbevayè niw keniyu. Emun egkekuwa niw en heini wey ed-ubpaan niw en,

Deuteronomio 17:14

“Emun ebpekeseled kew en duen te tanà he ibeǥey keniyu te Nengazen he Megbevayè niw wey egkaangken niw en heini ne zutun kew en he meǥinged, egkaǥi kew te, ‘Ebpilì kiw te hadì he ebpengulu kenitew iring te menge nasyun diyà te peliǥuy kenitew.’

Deuteronomio 3:18

“Dutun he timpu mibmenduan ku is menge tribu niw he ziyà ebpen-ubpà te zapit te edsilaan te Wahig he Jordan, he ke siak te, ‘Minsan imbeǥey en heini he tanà diyà te keniyu te Nengazen he Megbevayè niw su wey niw maangken, kinahanglan gihapun he edlayun te Wahig he Jordan is langun he menge sundaru niw he egkeǥumeenan su wey zan megiyahi is duma niw he menge Israilihanen te kebpekidtebek.

Deuteronomio 32:8

Su hein mibeǥayan te Levew he Megbevayà is menge nasyun te tanè dan wey hein mibahinbahin din en is menge etew zutun, ne zuen dulunà te uman grupu kandan he insavuk din sumalà is kezakel te menge velinsuǥuen din.

Deuteronomio 7:17

“Kela ke ebpekekaǥi kew te, ‘Edhuna he mekeǥeǥehem heini he menge nasyun kenà kenitew. Ebmenmenuwen tew is kedsegseg kandan?’

Josue 1:6

Mebpekelig-en ka wey mebpekevurut ka, su iyan ka ebpengulu kayi te menge etew te ked-angken duen te tanà he impenaad ku ziyà te menge kepuun dan.

Josue 21:43

Iyan heini paaǥi te kebeǥaya te Nengazen diyà te Israel duen te tanà he impenaad din diyà te menge kepuun dan. Ne hein nekuwa zan en heini ne zutun en sikandan med-ubpà.

Josue 23:5

Egkehimu he egkeangken niw zed is menge tanè dan, sumalà te impesarig keniyu te Nengazen he Megbevayè niw. Su edsegseǥen sikandan te Nengazen.