Numero 33:3 - Manobo Western Bukidnon OT

³ Mid-awè dan diyà te Rameses hein ike-15 he andew te nehuna he vulan hein neipus is nehitavù he iyan puunà te Pista te Kedlavey te Belinsuǥuen. Migenat sikandan he wazè dan kegkahandek dutun te edtengtengan sikandan te menge Ehiptohanen

Numero 33:3 교차 참조

Genesis 47:11

Ne mibeǥayan ni Jose is amey zin wey is menge suled din te utew memeupiya he tanà diyà te Ehipto ziyà te tanà he Rameses sumalà is insuǥù kandin dutun te hadì.

Salmo 105:38

Nengelipey is menge tig-Ehipto te ked-awà te menge tig-Israel, su ǥeina te nahandek dan kandan.

Exodus 1:11

Umbe, duen menge upisyal he midseriǥan te kedlisliseza te menge kevuwazan ni Israel pinaaǥi te kebpeterebehuwa kandan te utew subra, ne zutun netukud dan is menge inged he iyan is Pitom wey Rameses he zutun is menge budiga te hadì te Ehipto.

Exodus 12:2

“Heini is bulan guntaan iyan egkehuna he vulan te tuig para keniyu.

Exodus 12:37

Midhipanew is menge Israilihanen puun te Rameses pehendiyà te Sucot. Ne 600,000 is kahabet te menge maama zutun te nemenhipanew ne zuen pa menge vahi wey menge vatà.

Exodus 13:4

Tentenuzi niw heini he andew zutun te vulan he Abib, he iyan kes andew te kebpeǥewasa keniyu ziyà te Ehipto.

Exodus 14:8

Mibpengelinteuwan te Nengazen he ibpemezesen din is gehinawa te hadì te Ehipto, umbe, midal-as din is menge Israilihanen he migenat he mezeeǥen.

Isaias 52:12

Piru kayi he timpu kenè en kinahanglan he edegdeǥusu kew te ked-awà he iring te ebpelaǥuy kew su ebpetelihuna is Nengazen keniyu. Is Megbevayà te Israel iyan ebpengalang keniyu.

Micas 2:13

Ebpuwasan ku is pultahan te inged he zutun kew zumaha is mibihag, ne ebpenguluwan ku sikiyu te kegawas puun dutun. Iyan a kes Nengazen he hadì niw is ebpengulu keniyu.”

Numero 33:2

Sumalà te suǥù te Nengazen, inlista ni Moises is nengeveyaan dan he menge lugar puun te mibpuunan dan.