Numero 32:22 - Manobo Western Bukidnon OT

²² ne emun egkepurung en egkaangken te menge Israilihanen haazà is tanà, ne egkehimu en he edlikù kew kayi su egketuman niw en is ketengdanan niw ziyà te Nengazen wey ziyà te menge zuma niw he menge Israilihanen. Ne heini he tanà egkehimu en he keniyu ziyà te etuvangan te Nengazen.

Numero 32:22 교차 참조

2 Samuel 3:28

Hein netuenan haazà ni David, ke sikandin te, “Nesayud is Nengazen he siak wey is menge sakup ku ne wazà keseyuzan te kemetayen ni Abner he anak ni Ner.

Salmo 78:55

Midsegseg din sikandan pehendiyà te meziyù te menge etew zin, ne mibahinbahin din haazà is tanà. Mibehinan is kada tribu te Israel su para maangken dan haazà, ne zutun din sikandan ipeubpà.

Leviticus 14:34

mehitenged te ebeelan dan emun duen ibpetuvù te Nengazen he hab-ung diyà te menge valey zan emun diyè dan en te Canaan, kes lugar he imbeǥey te Nengazen kandan wey zan maangken:

Numero 32:21

ne edlayun is menge sundaru niw te Jordan taman te egkesegseg te Nengazen is menge kuntada zin,

Deuteronomio 3:20

Emun egkaangken en te zuma niw he menge Israilihanen is tanà he leyunè niw he ibeǥey kandan te Nengazen he Megbevayè niw, ne emun pinaaǥi kandin ne wazè en igkaawan dan iring te mibeelan din diyà te keniyu, ne egkehimu en he edlikù kew ziyà te tanà he imbeǥey ku keniyu.’

Josue 1:15

taman te egkaangken dan en is tanà he egkehimelayan dan he imbeǥey te Nengazen iring te naangken niw en. Ne emun egkeulaula en heini, ne egkehimu en he ebpekehulenè kew te ked-angken te tanà kayi te Jordan he zapit te edsilaan he imbeǥey keniyu ni Moises te suluǥuen te Megbevayà.”

Josue 10:30

Imbeǥey zaan te Nengazen kandan heini he inged wey is hadì dutun. Migerè dan is langun he meǥinged kayi, ne wazà nesamà he uuyag. Mibeelan daan ni Josue ziyà te hadì te Libna is iring te mibeelan din duen te hadì te Jerico.

Josue 10:42

Naaǥew ni Josue is langun kayi he menge tanà wey nezaag din is menge hadì kayi te sengesurung dà, su is Nengazen he Megbevayà te Israel, mid-uǥup te kebpekidtebek dan.

Josue 11:23

Umbe, migkuwa ni Josue heini is tivuuk he tanà su iyan heini insuǥù te Nengazen diyà te ki Moises. Impemeǥey zin heini he tanà diyà te menge Israilihanen su wey zan mepengevilin. Ne mibehinan dutun is kada tribu. Ne zutun mibmelinew en haazà is tanà.

Josue 13:8

Is tribu ni Reuben, ni Gad, wey is ketengà he tribu ni Manase daan en mibeǥayan ni Moises he suluǥuen te Nengazen te kandan he vahin diyà te zapit te edsilaan te Jordan.

Josue 18:1

Ne hein naaǥew en te tivuuk he keet-etawan te Israel haazà is tanà, midtiǥum sikandan is langun diyà te Shilo, ne mibaal sikandan te Tulda he Edtelevukaayan dan.

Josue 2:19

Ne emun duen sevaha keniyu he egawas su edhendiyà te zalan, ne wazè dey en televaken emun egkepatey sikandin. Piru zuen dey televaken emun duen egkepatey ziyà te seled te valey nu.

Josue 22:4

Ne ǥuntaan naangken en te zuma niw he menge Israilihanen is kelinew he insaad kandan te Nengazen. Umbe, ulì kew en diyà te keniyu he tanà he ziyè layun te Wahig he Jordan, duen te tanà he imbeǥey keniyu ni Moises he suluǥuen te Nengazen.

Josue 22:9

Ne zutun nemen-ulì is tribu ni Reuben, ni Gad, wey is ketengà he tribu ni Manase. Mid-ewaan dan is menge zuma zan he menge Israilihanen diyà te Shilo, he tanà te Canaan ne nemen-ulì sikandan diyà te Gilead, sikan is tanà he nehimu he vahin dan he insuǥù te Nengazen ki Moises he iveǥey ziyà te kandan.