Numero 32:14 - Manobo Western Bukidnon OT

¹⁴ “Ne sikiyu is kevuwazan te menge mekesesalà ne iyan kew en maan ed-ilis te menge kepuun niw, ne ed-umanan niw is kegkepeuki te Nengazen te menge Israilihanen.

Numero 32:14 교차 참조

Genesis 5:3

Hein 130 en is penuiǥen ni Adan nevuwad sikandin te maama he utew midsempù kandin ne migngezanan din ki Set.

Genesis 8:21

Ne nahazek te Nengazen is kehemut te evel zutun, ne ke sikandin diyà te ǥehinawa zin te, “Kenè ku en maan edezeetan is menusiyà, minsan netuenan ku en he mekesesalà sikandan puun pa te ked-enaka kandan. Kenè ku en maan ed-umanan edlimasa iring te mibeelan ku.

2 Cronica 28:13

Migkaǥi sikandan te, “Kenè niw heeyan pendumaha kayi is menge nevihag, su televaken tew heini ziyà te Nengazen. Kenè tew en ed-umanan is salè tew. Dekelè en is menge salè tew, ne egkepeukan kiw en te Nengazen is menge tig-Israel.”

Ezra 10:10

Ne zutun midhitindeg si Ezra he memumuhat ne migkeǥiyan din sikandan te, “Nekesalè kew tenged te mibpengesawa kew te kenà menge Israilihanen. Ne tenged kayi mid-umanan niw pa is salà te Israel.

Nehemias 13:18

Kenè be iyan heini mibeelan te menge kepuun niw, umbe midsilutan kiw te Megbevayà wey zuen samuk kayi te inged tew? Ne ǥuntaan, ibpeiseg niw is kegkepauk te Megbevayà pinaaǥi te vaal niw, su wazè niw isipa he segradu is Andew te Kedhimeley.”

Job 14:4

Duen be etew he wazà kurang is kegkelumpiyu zin? Wazà! Su is langun, neetew he meremerik.

Salmo 78:57

Iring te menge kepuun dan, mibpekeziyuan dan wey midluivan dan is Megbevayà. Ne iring sikandan te nevadtì he panà su kenà sikandan egkeseriǥan.

Isaias 1:4

Mekesesalà sikandan he nasyun, menge etew he utew subra is kelelalung dan, kevuwazan sikandan te mememaal te mezaat wey mesipala. Inselikwey zan wey mid-undaunda is Nengazen, kes Waǥas he Megbevayà te Israel, ne mid-iniyuǥan dan sikandin.

Isaias 57:4

Ed-un-undahan niw is menge metazeng; ebingiǥan niw wey edyewyawan sikandan. Menge kevuwazan kew te menge mesinupaken wey menge teruen.

Ezekiel 20:21

“ ‘Piru minsan is menge anak dan midsupak daan kedì. Wazè dan purungi tumana is menge suǥù ku wey menge sulunuzen, he iyan pezem ibpekepedayun te kegkeuyag-uyag dan is kedtumana kayi. Ne wazè dan daan isipa he segradu is Andew te Kedhimeley he impetuman ku kandan. Umbe migkaǥi a he ibpeǥezaman ku kandan dutun te sibsivayan is utew ku kegkepauk.

Numero 32:15

Emun kenè kew ebpezumazuma te Nengazen ne ed-iniyuǥan din en maan kayi te sibsivayan heini is menge etew, ne iyan kew egkehimu he hinungdan te kegkezeeti zan.”

Deuteronomio 9:24

Puun te kegkekilelaa ku keniyu ne pudu en kebpekidsukulà te Nengazen is menge vaal niw.