Numero 31:9 - Manobo Western Bukidnon OT

⁹ Ne mibihag dan is menge Midianhen he menge vahi wey menge vatà, wey mibpenguwa zan is menge uyaǥen wey menge azen.

Numero 31:9 교차 참조

Genesis 34:29

Mibpenguwa zan is langun he ketiǥeyunan dutun te inged, ragkes is menge azen he zutun te seled te menge valey. Ne mibpemihag dan is langun he menge vahi wey menge vatà.

2 Cronica 14:15

Midsurung dan daan is menge kampu te ebantey te menge layud, ne mibpenguwa zan is mezakel he menge kerehidu, wey menge kambing, wey menge kemilyu. Ne midlikù dan diyà te Jerusalem.

2 Cronica 28:5

Umbe, imbeǥey sikandin te Nengazen he Megbevayè din diyà te hadì te Aram. Nezaag sikandin te menge Aramihanen wey mezakel is menge sakup din he nengevihag diyà te Damascus. Imbeǥey zaan sikandin diyà te hadì te Israel, he nenhimatey te mezakel he menge sakup din.

Numero 31:10

Mibpeminsulan dan is langun he menge inged wey is langun he menge kampu te menge Midianhen.

Numero 31:53

Ebpuun heini ziyà te nekuwa te kada sundaru ziyà te tebek.

Numero 31:8

Ragkes dutun te mibpenhimetayan dan is lelima he hadì diyà te Midian he iyan ensi Evi, Rekem, Zur, Hur, wey Reba. Midhimetayan dan daan si Balaam he anak ni Beor pinaaǥi te ispada.

Deuteronomio 20:14

Piru egkehimu ke ebihaǥen niw is menge vahi, is menge vatà, wey menge uyaǥen dan, ne egkehimu ke egkuwaan niw is langun he menge azen he zutun te inged. Gemita niw heini he menge azen is imbeǥey te Nengazen he Megbevayè niw keniyu he ebpuun te menge kuntada niw.