Numero 3:6 - Manobo Western Bukidnon OT

⁶ “Ipetawag nu is tribu ni Levi ne zumaha nu ziyà te ki Aaron he memumuhat su wey zan mekeuǥup kandin.

Numero 3:6 교차 참조

1 Cronica 15:2

Migkaǥi si David, “Wazà minsan hentei he ebpekeuwit te Kavan te Kebpekid-uyun te Megbevayà gawas te menge Levihanen, su iyan sikandan mibpilì te Nengazen he ibpeuwit te Kavan te Nengazen wey ebpenilbi ziyà te etuvangan din taman te taman.”

1 Cronica 23:28

Is ketengdanan te menge Levihanen ne iyan is ked-uǥup te menge memumuhat he menge kevuwazan ni Aaron para edterebahu zutun te valey te Nengazen. Iyan sikandan ed-etiman te lama zuen te valey te Nengazen wey te menge ruǥu ziyà te menge kilid, wey sikandan daan is ed-uǥup te menge tulumanen te kebpenlumpiyu wey te zuma pa he menge vuluhaten dutun te valey te Megbevayà.

1 Cronica 23:32

Umbe, midhimu te menge Levihanen is ketengdanan dan te ked-etiman duen te Tulda he Edtelevukaayan wey zuen te Segradu he Lugar, wey te ked-uǥup te menge kezuzumahi zan he menge memumuhat he kevuwazan ni Aaron te kebpenilbi zutun te valey te Nengazen.

1 Cronica 6:33

Iyan heini sikandan ebpenilbi zuma is menge anak dan: Is kevuwazan ni Kohat, ne si Heman he musikiru. Si Heman ne anak ni Joel. Si Joel ne anak ni Samuel. Si Samuel ne anak ni Elkana.

2 Cronica 29:11

Umbe, sikiyu is menge minahal ku, ne kenè kew en mebpesagdan. Iyan kew mibpilì te Nengazen he ibpehitindeg diyà te etuvangan din, te kebpenilbi wey kebpemuhat,” ke si Hezekia.

Ezra 6:18

Insavuk dan is menge memumuhat wey menge Levihanen diyà te kada ketengdanan dan diyà te valey te Megbevayà diyà te Jerusalem sumalà te ingkesurat diyà te Libru ni Moises.

Malakias 2:4

Ne egketuenan niw he impaaǥi ku ziyà te keniyu heini he kebmansu su para mekepedayun is kebpekid-uyun ku ki Levi.

Numero 18:21

“Ne sikan is menge Levihanen, ebeyazan ku sikandan te kebpenilbi zan diyà te Tulda. Ibeǥey ku kandan is langun he ikepulù he ibeǥey te menge Israilihanen he kandan he egkepengevilin.

Numero 2:17

“Is edtinundug kandan iyan is tribu ni Levi he ed-uwit duen te Tulda he Edtelevukaayan. Is langun he tribu kinahanglan he ebpetuntunduǥà emun edhipanew sikandan, iring te kebplastar zan emun ke egkampu zan, he ziyà te dizalem te bendira he neketukid te kada tribu zan.

Numero 2:33

Ne wazà kayi meragkes is menge kevuwazan ni Levi, su wazà sikandan iragkes te ebilang sumalà te insuǥù te Nengazen ki Moises.

Numero 3:5

Migkaǥi is Nengazen diyà te ki Moises te,

Deuteronomio 10:8

Dutun he timpu mibpilì te Nengazen is tribu ni Levi he iyan ibpeuwit duen te Kavan te Kebpekid-uyun te Nengazen kandan, wey ebaal te vuluhaten diyà te etuvangan din, wey ebpenuvadtuvad te menge etew pinaaǥi te ngazan din. Ne taman en guntaan ne iyan heini buluhaten dan.