Numero 3:38 - Manobo Western Bukidnon OT

³⁸ Si Moises wey si Aaron wey is menge anak din, ne ziyè dan megkampu zapit te egkesineruwan duen te Tulda he Edtelevukaayan he zapit te edsilaan. Iyan sikandan midseriǥan te kedumala te menge vuluhaten duen te Tulda he para te menge Israilihanen. Is minsan hentei he ebaal te vuluhaten te memumuhat dutun te Tulda he kenà kevuwazan ni Levi ereg he edhimetayan.

Numero 3:38 교차 참조

1 Cronica 23:32

Umbe, midhimu te menge Levihanen is ketengdanan dan te ked-etiman duen te Tulda he Edtelevukaayan wey zuen te Segradu he Lugar, wey te ked-uǥup te menge kezuzumahi zan he menge memumuhat he kevuwazan ni Aaron te kebpenilbi zutun te valey te Nengazen.

Numero 1:51

Emun idhalin haazà is Tulda, iyan sikandan ebaal kayi, ne emun ed-umanan ebenguna heini, ne iyan dan gihapun ebangun kayi. Ne is minsan hentei he kenà kevuwazan ni Levi he ebaal kayi he vuluhaten, ne edhimetayan.

Numero 1:53

Piru is menge kevuwazan ni Levi, kinahanglan he ziyà megkampu te ebpekeliǥuy zuen te Tulda he midteǥuan te Kesuǥuan, su wey ku kenà mepeuki is menge etew te Israel. Ketengdanan te menge kevuwazan ni Levi is ked-atur zuen te Tulda.”

Numero 2:3

Is tribu ni Juda, Isacar, wey ni Zebulun diyà megkampu te zapit te edsilaan, diyà te dizalem te bendira te kada tribu zan. Iyan heini ngazan te menge pengulu zan wey kahabet te menge sakup dan: Tribu; Pengulu; Kahabet Juda; Nashon he anak ni Aminadab; 74,600 Isacar; Netanel he anak ni Zuar; 54,400 Zebulun; Eliab he anak ni Helon; 57,400

Numero 3:10

Iyan, himuwa nu he memumuhat si Aaron wey is menge anak din. Is minsan hentei he ebaal te vuluhaten te memumuhat diyà te Tulda he Ed-ezapan he kenà kevuwazan ni Levi ne ereg he edhimetayan.”

Numero 3:23

Is lugar he egkempuwan dan ne ziyà dapit te egkeiniyuǥan duen te Tulda he Ed-ezapan, he ziyà te zapit te edsenlepan duen te tulda.

Numero 3:29

Is lugar he egkempuwan dan ne ziyà dapit te zivavà duen te Tulda.

Numero 3:35

Is pengulu zan iyan si Zuriel he anak ni Abihail. Is lugar he egkempuwan dan ne ziyà te egkezizaya zuen te Tulda.

Numero 3:37

Iyan daan sikandan midseriǥan te ked-atur te menge tukud diyà te ǥawas duen te lama wey te menge pundasyun kayi, menge palpal wey menge hiket kayi.